Filemon 1:4 - Tedim Bible

^4-5 Nangmah in Topa Zeisu umin, misiangthote khempeuh na it ci-in thu ka zak ciangin ka Pasian’ hehpihna ka phat tawntunga nang ading thungetsakin ka om hi.

Tedim Bible Revision 2017

^4-5 Pasianʼ mite khempeuh na itna thu le Topa Jesu na upna thu na za khin ka hih manin Pasian kiangah thu ka nget simin nangmah hong phawkin Pasian tungah lungdamna thu ka ko tawntung hi.

Filemon 1:4 Iomraidhean Croise

ROM (Romans) 1:8

Nomau thu-upna in leitung gam khempeuh ah kizel ahih ciangin nomau hangin Zeisu Khazih tawh Pasian’ hehpihna ka phat masa bel hi.

Efesa 1:16

note paulamin hehpihna ka phat niloh a, note ading thungenin ka om hi.

Filippi 1:3

Keimah in thu ka nget simin lungdamna tawh note khempeuh ading thungen tawntungin, note in a kipatcil-a kipan tu dongin Lungdamna Thu khan’sakna-ah na kipawl khopna uh thu ka ngaihsut ciangin, Pasian’ hehpihna ka phat hi.

Kolose 1:3

Khazih Zeisu sungah na upna uh leh misiangthote ading na itna uh thu ka zakna uh ahi zongin, thuman thu ahi Lungdamna Thu note in nidanga na zak uh mah bangin, note ading vantungah a kikhol lametna ngaihsunin ahi zongin, note ading ni simin thungenin, i Topa Zeisu Khazih’ Pa Pasian’ hehpihna ka phat uh hi.

1 THESALONIKA MASA 1:2

Eite Pa leh Pasian mai-ah note in umin, gamta-in, itin, hahkatin, i Topa Zeisu Khazih lamenin, na thuaknate uh kote in ka ngaihsun tawntung uh a, Pasian in a it ute naute aw, note ngah hong teelna thei-in, note khempeuh thu hangin Pasian’ hehpihna phat tawntungin note ading thu ka ngen tawntung uh hi.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

2 TIMOTI NIHNA 1:3

Keimah in na khitui luang phawk kikin, ka lungdamna a kicin’ nadingin nangmah kong mu nuam a, na pi Lois leh na nu Eunis sungah a masa-in kip-a, a om upna ahi zongin, ka lungkim mah bangin nangma sungah kiphatsakna hi loin a om upna ahi zongin ka phawk a, sun tawh zan tawh thu ka nget ciangin, nangmah hong mangngilh loin hong ngaihsunin, ka pute ka pate in a biak uh bangin ka lungsim kisuan’na om lo siangthona tawh ka biak Pasian’ hehpihna ka phat hi.