Filemon 1:19 - Tedim Bible

¹⁹ Hong lohkik ning ci-in keimah Paul in ka khut tawh ka hong gelh hi. Ahih hangin keima tungah na hong lohkik ding leiba om hi ka cihna a hi kei hi.

Tedim Bible Revision 2017

¹⁹ Keimah Paul in ka hong loh ding hi, cihna thu keima khut mahmah tawh a lai ka gelh ahi hi. Nangma nuntakna bulpi mahmah zong keima hang ahihna thu gen kul lo hi.

Filemon 1:19 Iomraidhean Croise

Piancilna 43:9

Keimah in ama' adingin a kikham ka hi ding hi; kei’ khut sung panin amah nong kal ding hi. Keimah in amah nang' kiangah hong ciahpih kik loin na mai-ah kong koih kik kei leh, tua mawhna kei hong thuaksak tawntung in;

ROM (Romans) 16:22

Hih lai a gelh keimah Tertias in Topa hangin kong hopih hi.

1 KORIN MASA 4:15

Khazih sungah thuhilh thenkhat na neih uh hangin pa tampi na nei kei uh hi! Bang hang hiam na cih uh leh, keimah in Lungdamna Thu hangin Khazih Zeisu’ sungah note’ pa kong suak zo hi.

2 KORIN NIHNA 10:1

Note kiangah kiniamsak a, note tawh a kikhen ciangin a hang keimah Paul in Khazih’ lungnemna leh hehpihna tawh note kong thuum hi.

2 KORIN NIHNA 3:2

Note in kei lungtang tungah a kigelh, mi khempeuh in a sim theih kote’ lai na hi uh hi.

2 KORIN NIHNA 9:4

Tua bang a hih kei leh, Makedonia mi kimkhat in kei tawh hong pai khawmin note a kholsa-a na om loh uh hong mu le-uh note’ zum ding gen loh, lau lo-a kong muan’na sa uhah kote in ka maizum ding uh hi.

Galati 5:2

En-un, keimah Paul in kong geninah, vunatna na thuak uh leh, Khazih hangin bangmah noptuamna na ngah kei ding uh hi.

Galati 6:11

Bang zah a lian laimalte tawh ka khutin ka gelh, na en un.

1 TIMOTI MASA 1:2

Upna sungah ka ta taktak ahi Timoti kiangah kong zasak hi. Pa Pasian leh Khazih Zeisu i Topa’ hehpihna thupha, hehpihna leh nopna nangma tungah om ta hen.

Titu 1:4

A kibang khawm upna thu sungah ka ta taktak ahi Titu kiangah thu ka hong zasak hi. Pa Pasian leh eite Honpa Khazih Zeisu kiang pan hehpihna thupha leh nopna nangma tungah om ta hen.

Filemon 1:18

Amah in nangma tungah na khatpeuh hong khial ahi zongin, leiba khatpeuh peuh a nei ahi zongin, keima tungah ciamteh in.