Filemon 1:16 - Tedim Bible

¹⁶ Tua bang ka cih ciangin sila bangin ngaihsun nawn loin, tham loin kei in ka it taktak ka nau hi a, nang adingin pumpi sungah ahi zongin, Pasian sungah ahi zongin bang zahin a it huai semsem naupa bangin na ngaihsut nading ka cihnopna hi.

Tedim Bible Revision 2017

¹⁶ Tu-in amah sal bek hi nawn loin sal sangin a thupi zaw, Khris hangin i sanggam hong hi ta hi. Kei adingin amah a man phat mah bangin sal hihna le Topa thu sungah sanggam hihna tawh nang adingin zong hong manpha zaw kan ding hi.

Filemon 1:16 Iomraidhean Croise

Mattiu 23:8

Note in, ‘Rabbi,’ hong cih ding na ut kei un, Bang hang hiam na cih uh leh, na to uh khat bek a om hi. Note khempeuh in unau pawlkhat na hi uh hi.

Sawltak 9:17

Ananias pai a, inn sungah lutin Saul tungah a khut nga a, “Ka nau Saul aw, na paina lampi-ah na kiangah hong kilang Topa Zeisu in khua na muhkik theih nading ahi zongin, Kha Siangtho tawh na dim nading ahi zongin, kei hong sawl hi,” a ci hi.

1 KORIN MASA 7:22

Bang hang hiam cih leh, sila ahihna-ah Topa’ sapna a ngah mi in Topa-ah suakta mi ahi hi. Tua mah bangin to neih lohna pan sapna a ngah mi in Khazih’ sila ahi hi.

Kolose 3:22

Silate aw, Pasian kihta-in, mihing pahtaak ding ut-a mi’ maitang bekah mang hi loin, lungka loin, ci-le-sa tawh kipawl na tote uh thu khempeuh na mang un.

1 TIMOTI MASA 6:2

A tote in thu-um mi ahih uh leh, unau khat ahih uh ciangin nasim lo, thudon loin, om kei uh hen. A nasepna-ah noptuamna a ngah mite in, a um mite leh it tuak mite ahih uh ciangin a nasep pha takin seem zaw ta uh hen. Hih thute hilh in la, hansuah in.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.