Filemon 1:10 - Tedim Bible

¹⁰ Kikhihna ka thuak lai takin ka tapa a hong suak,

Tedim Bible Revision 2017

¹⁰ Tua ahih manin Khris hangin ka ta ahi Onesimas adingin ka hong thumsak hi. Thong sungah ka om sungun kha thu tawh kisai ah ama pa ka suak hi.

Filemon 1:10 Iomraidhean Croise

2 SAMUEL NIHNA 18:5

Tua ciangin kumpipa in Joab leh Abishai leh Ittai thu pia-in, “Keimah nong khualna-un tangvalpa Absalom hong dawm mahmah un,” a ci hi. Kumpipa in Absalom’ thu galkapmangte tungah a vaikhakna mi khempeuh in za uh hi.

Marka 9:17

Mihonpite lakah mi khat in, “Topa aw, a pau thei lo dawi lut ka tapa na kiangah kong paipih hi.

ROM (Romans) 12:1

Tua ahih ciangin ute naute aw, a hing biakna, a siangtho leh Pasian’ deihna tawh kituakin, na pumpi uh Pasian kiangah na piak nadingun Pasian’ hehpihna tawh kong thuum hi. Bang hang hiam na cih uh leh, tua bang hihna in a kilawm biakna nasepna ahi hi.

1 KORIN MASA 4:14

Kong zumsak nadingin hih bangin gelh ka hi kei hi. Ka it ka tate bangin hilh nadingin kong gelh hi.

1 KORIN MASA 4:15

Khazih sungah thuhilh thenkhat na neih uh hangin pa tampi na nei kei uh hi! Bang hang hiam na cih uh leh, keimah in Lungdamna Thu hangin Khazih Zeisu’ sungah note’ pa kong suak zo hi.

Galati 4:19

Khazih in note sungah kip-a, a om matengin note ading ta suak gimna ka thuak ka ta neute aw,

1 TIMOTI MASA 1:2

Upna sungah ka ta taktak ahi Timoti kiangah kong zasak hi. Pa Pasian leh Khazih Zeisu i Topa’ hehpihna thupha, hehpihna leh nopna nangma tungah om ta hen.

Titu 1:4

A kibang khawm upna thu sungah ka ta taktak ahi Titu kiangah thu ka hong zasak hi. Pa Pasian leh eite Honpa Khazih Zeisu kiang pan hehpihna thupha leh nopna nangma tungah om ta hen.

Filemon 1:11

nidangin nang adingin kiman’na om lo mi, tu-in ahih leh, kei leh nang adingin a kizang thei ding mi Onesimas ading ka hong thuum hi.

Filemon 1:13

Lungdamna Thu hangin kikhihna ka thuak lai takin, amah in nangmah tangdingin kei hong kep nadingin ka koih nop hangin, nang in kei tungah,

3 JOHAN THUMNA 1:4

Ka tate in thuman thutak lam a zuih thu ka zak cianga ka nuamna sangin nuam zawkna a om kei hi.