Daniel 8:9 - Tedim Bible

⁹ Tua ki lite lak pan khat tungah kineu dang khat hong kipan a, a vangliatna khang lam, ni suahna lam leh, Thuciamna Gam lamah a vangliatna a khang hi.

Tedim Bible Revision 2017

⁹ Tua ki lite lak pan khatʼ tungah ki neu dang khat hong po a, khanglam, nisuahna lam le Thuciamna Gam lamah a vangliatna a lak hi.

Daniel 8:9 Iomraidhean Croise

Late 105:24

Topa in ama mite pungsak mahmah a, a galte sangin amaute hatzaw sak hi.

Late 48:2

Kumpi lianpa’ khuapi, lei lulam-a om ama mual siangtho hoih-a a sang mahmah Zaphon in Zion Mual hi a, leitung khempeuh’ lungdamna ahi hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Ezekiel 20:15

Tua ahih manin bawngnawi leh khuaizu a luan’na gam hoihpen ahi, amaute tungah ka piaksa gamah amaute ka paipih loh nading thu, gamlakah ka kiciam hi.

Ezekiel 20:6

Izipt gam panin amaute paikhiatpihin, amaute’ adingin ka zon’ khiatsak, bawngnawi leh khuaizu a luan’na gam ahi, gamsung khempeuh panin a hoih penna munah amaute ka tun’pih nading thu tua ni teek mahin ka ciam hi.

Daniel 11:16

Galdo zo ding om nawn lo uh ahih manin a galte a ut utin a gamta ding uh hi. Thuciam Gamah zong lutin a khut sungah tua gam a suksiat nading thahatna a nei ding hi.

Daniel 11:21

A zom-a Siria kumpi ding pen mi gilo, kumpi dinga kilawm lo mi khat ahi ding hi. Ahih hangin amah in thakhat thu-in zuau siamna tawh kumpi a hong suak vat ding hi.

Daniel 7:8

Tua kite ka et lai takin a dang kineu khat hong po a, a omsa ki thumte a bot khia hi. Tua ki tungah mihing’ mittang tawh a kibang mittang leh kam om a, kiphatsakna kam tampi a pau hi.

Zekhariah 7:14

Tua ahih manin Topa in “Huihpi’ mut khiat bangin amaute thehthang gawpin, a theih ngei lohna uh gam dangah amaute teeng ding uh hi. Amau’ nusiat leitang hoih in zong gamkhing suak ding a, a sungah kuamah om nawn loin daicip ding hi,” a ci hi.