Daniel 8:8 - Tedim Bible

⁸ Tua keeltal a thahatna hong khangto semsem a, ahih hangin a thahatpen lai takin a ki a kitan hi. Tua ki pona munah a lamdang ki li hong po to kik a, vantung kiu lite a kawk hi.

Tedim Bible Revision 2017

⁸ Tua keeltal a thahatna hong khangto semsem a, ahih hangin a thahat pen laitakin a ki a kitan hi. Tua a ki pona munah a lamdang ki li hong po tokik a, mun tuamtuam a kawk hi.

Daniel 8:8 Iomraidhean Croise

2 KHANG TANGTHU NIHNATE 26:16

Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topa’ biakinn sungah lut hi.

Esther 9:4

Bang hang hiam cih leh kumpi inn sungah Mordekai ulianpi khat suak a, a vangliatna a khan’ semsem mah bangin gam khempeuh ah ama minthan’na kizel hi.

Jeremiah 49:36

Vantung mun li panin huihpi ka mutmang sak ding a, Elam gam pana ka hawlkhiatte mun khempeuh ah kikhen thangsak-in a tun’ lohna uh gam khat beek ka omsak kei ding hi.

Jeremiah 5:27

Bawm sung dimtak a, vasa kikhum bangin khemna tawh a ngah uh vante tawh a inn uh dim hi. Tua ahih manin amaute lianin hau uh a,

Ezekiel 16:7

Singkung hoih bangin nang kong khangtosak hi. Nang cidamin nong khangto a, nungak nong suak hi. Na nawite zong hoih tak mahin hong bawk a, na mul zong hong po ta hi; ahi zongin guaktang-in na om hi.

Ezekiel 28:9

Nang hong that ding hong kuan ciangun, kei, pasian bang hi’ng, na ci lailai diam? Nang hong thatte na tuah ciangin, mihing na hih lelna kilang ding hi.

Daniel 11:4

Ahih hangin a thahat pen lai takin a gam hong kitam dinga khen li a kisuah ding hi. A suan a khakte in ama gam uk kha loin ama vangliatna zah vaang a nei zo kei ding uh hi; bang hang hiam cih leh ama ukna kibotkhia-in midangte’ tungah kipia ding hi.

Daniel 4:31

Tua thute a kamsung pan a pusuah ma-in vantung panin aw khat hong ging a, “Nebukhadnezzar kumpipa aw, ka thu gen na ngai in. Na kumpigam a hong kilakkhiat sak zo hi.

Daniel 5:20

Ahih hangin amah a lungkhauhin kiphasak a, gilo lua ahih manin a kumpi tokhom panin kilakhia a, a minthan’na a taan hi.

Daniel 7:2

Vantung kui li panin huihpi hong nunga tuipi tung a seem gawp hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzangah vasa-kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Daniel 8:22

Ki po masapen a kitan’ khit ciangin a nunga hong po ki lite in, tua gam panin kumpi gam li hong piang ding cih nopna ahi hi. Ahih hangin tua gamte in a masapen kumpi zahin a thahat kei ding uh hi.

Daniel 8:5

A bangci hi ding hiam ci-a ngaihsun thei lo-a ka om lai takin, ni tumna lam panin keeltal khat a hong tai veva hi. Hat lua mahmah ahih manin a khe in lei a sukha kei hi. A mit tegel kikal-ah a tuam pian ki lamdang khat a nei hi.

Daniel 8:7

Heh lua mahmah ahih manin tua tuutal tuangawp a, a ki tegel a suktan sak hi. Tuutal in a nan’ zawh na’ng thahatna nei lo ahih manin lei kiden’na a, a huh zo ding kuamah a om kei hi.

Mattiu 24:31

Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Marka 13:27

Tua lai takin amah in a vantungmite sawlin, amaute in a teelsa mite lei kiu li pan, lei mong khat pan van mong khat dongin a kikhawmsak ding uh hi.”

Thu-hilhkikna 31:20

Bang hang hiam cih leh a pu a pate’ uh tungah piak dinga ka kiciamna, bawngnawi leh khuaizu a luan’na gamah amaute tunpih khinin, amaute in ne-in khamin a thau khit uh ciangin, pasian dangte lamah amaute kihei-in a na semin, kei hong simmawhin ka thuciamna siasak ding uh hi.

Mangmuhna 7:1

Tua nung ciangin vantungmi li in lei kiu li mong ah ding-in leitungah ahi zongin, tui tungah ahi zongin, singkung khatpeuh peuh tungah ahi zongin, huih nun’ loh nadingin leitung kiu lite len cipin a om uh ka mu hi.