Daniel 8:7 - Tedim Bible

⁷ Heh lua mahmah ahih manin tua tuutal tuangawp a, a ki tegel a suktan sak hi. Tuutal in a nan’ zawh na’ng thahatna nei lo ahih manin lei kiden’na a, a huh zo ding kuamah a om kei hi.

Tedim Bible Revision 2017

⁷ Heh lua mahmah ahih manin tua tuutal lai gawp a, a ki tegel a suktansak hi. Tuutal in nang zo lo ahih manin lei kidenna a, a huh zo ding kuamah a om kei hi.

Daniel 8:7 Iomraidhean Croise

Daniel 11:11

Izipt kumpipa zong heh mahmahin Siria kumpipa in zo gawp ding a, a galkapte tampi tak a matsak ding hi.

Daniel 7:12

Sapi dangte ahih leh a vangliatna uh kilakkhiat sak a, ahih hangin a nuntak lai nading uh hun ciangtan’ khat a kipia hi.

Daniel 7:7

Ka et lai leh sapi lina ka mu hi. Tua sapi kihtak huai mahmah a, lipkhap huai-in a thupi mahmah hi. Amah in a gol mahmah sik-ha a nei hi. Amah in nene in a nek val teng a khe tawh a tuancil gawp hi. Amah in sapi dangte tawh kibang loin ki sawm a nei hi.

Daniel 8:10

Amah in vantung galkapte nangawn dong a ban dingin a thahatna hong khangto a, aksi pawl khatte leitungah lawnkhia-in a tuancil gawp hi.

Daniel 8:6

Ki nih a nei gun gei-a ding ka muh tuutal kiang a hong phak ciangin a tha neih zahin a sii hi.

Daniel 8:8

Tua keeltal a thahatna hong khangto semsem a, ahih hangin a thahatpen lai takin a ki a kitan hi. Tua ki pona munah a lamdang ki li hong po to kik a, vantung kiu lite a kawk hi.

Siampi Laibu 26:37

Kuamah in delh lo napi-in namsau mai pan a taikhia bangin amaute khat leh khat kiphupai ding uh hi; note in na galte uh nan’ zawh nading vangliatna na nei kei ding uh hi.

Joshua 8:20

Ai mite in a nung et kik uh ciangin, en in, khuapi meikhu van-ah a kahto hi; hih lam hita leh hua lam hita leh-ah tai thei lo uh hi, bang hang hiam cih leh gamlak lamah tai-in a kilelsak khemte in amau a delhte lamah hong kihei-in leh delh kik uh hi.