Daniel 8:4 - Tedim Bible

⁴ Tua tuutal in a ki tawh, nitumna lam, sak lam, khang lam a si kawikawi ka mu hi. Ama ut bangin kiphasak-in gamta ahih manin, amah a kho zo ding leh a thahatna pan a suakta zo ding ganhing khat beek a om kei hi.

Tedim Bible Revision 2017

⁴ Tua tuutal in a ki tawh nitumna lam, saklam le khanglam a si kawikawi ka mu hi. Ama ut bangin kiphasakin gamta ahih manin amah a kho zo ding le a thahatna pan a suakta zo ding ganhing khat beek a om kei hi.

Daniel 8:4 Iomraidhean Croise

1 KUMPI MASATE 22:11

Tua ciangin Khene-anah’ tapa Zedekiah in ama adingin sik kite bawl a, “Topa in hih bangin ci hi: ‘Amaute a kisuksiat matengin hihte tawh Siria mite na nawt ding hi,’ ci hi,” a ci hi.

JOB (Job) 10:7

Ka mawh lohna na thei a, nang kiang panin kei hong hon ding a om lohna na theihsa mah ahi hi.

Late 44:5

Nangma hangin ka galte uh ka sawnpai uh a, ko hong dote, na min suangin ka tuancil uh hi.

Late 50:22

Tua ahih ciangin, Pasian a mangngilh mite aw, hih thu ciamteh un, tua hi kei leh note kong balgawp ding hi, hong honkhia ding kuamah om lo hi.

Late 7:2

Hong hon kei lecin, hong hon ding dang om lo ahih manin amaute in humpinelkai bangin hong kaikhia-in hong balgawp ding uh hi.

Ezekiel 34:21

Note in a cidam lote na ki uh tawh si gawpin, a hon lak panin na nawtkhia uh hi.

Daniel 11:16

Galdo zo ding om nawn lo uh ahih manin a galte a ut utin a gamta ding uh hi. Thuciam Gamah zong lutin a khut sungah tua gam a suksiat nading thahatna a nei ding hi.

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta in a liing uh hi. Mi khatpeuh a thah nop leh that a, a nuntak sak nop leh a nungta sak hi. A ut leh mi khatpeuh pahtawi-in, a ut leh a daisak thei hi.

Daniel 5:30

Tua zan mahmah in Babilon kumpipa Belshazzar kithat a,

Daniel 7:5

Tua ciangin a nihna sapi vompi tawh a kibang khat ka mu hi. A nunglam khe tawh ding-in a kam sung a ha kikalah nakguh thum pet a, “Tho in la, sa tampi ne in,” cihna aw khat a hong ging hi.

Daniel 8:7

Heh lua mahmah ahih manin tua tuutal tuangawp a, a ki tegel a suktan sak hi. Tuutal in a nan’ zawh na’ng thahatna nei lo ahih manin lei kiden’na a, a huh zo ding kuamah a om kei hi.

Micah 5:8

A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Thu-hilhkikna 33:17

A tacil bawngtal in minliatna nei a, a kite in gamsial kite ahi hi; amah in tuate tawh mite nawt ding a, lei mongdong ah amaute khempeuh phul ding hi; Efraim tul sawmte in tua bang hi a, Manasseh tul tampite in zong tua bang mah ahi hi,” a ci hi.