Daniel 8:3 - Tedim Bible

³ Ka khuadak toh leh gun gei-ah tuutal khat ding-a om ka mu hi. Amah in a sau mahmah ki nih nei a, a ki po nunung pen a po masa sangin a sauzaw hi.

Tedim Bible Revision 2017

³ Ka khuadak toh leh gun gei ah tuutal khat adingin a om ka mu hi. Amah in a sau mahmah ki nih nei a, a ki po nunung pen a po masa sangin a sau zaw hi.

Daniel 8:3 Iomraidhean Croise

1 KHANG TANGTHU MASATE 21:16

Tua ciangin David khuadak to a, leitung leh vantung kikalah Topa’ vantungmi ding-in a khut sungah a kidoksa namsau khat omin Jerusalem tungah a zan mu hi. Tua ciangin David leh a upate puanhampi silhin mai puk uh hi.

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Ezra 4:5

amau’ ngimna a tangtun’ theih loh nadingin amaute a langpang dingin zum nasemte golhguk pia uh hi. Persia kumpipa Sairas’ uk huna kipan kumpi Darias hun dong hih bangin hih ngitnget uh hi.

Esther 1:3

Ama uk a kum thumna kumin ama nuai-a a uliante khempeuh leh a nasemte’ adingin pawi khat bawksak hi. Ama khut nuai-a om Persia leh Media galkapmangte leh ama nuai-a uliante leh a ma nuai-ah gam a uk sawnte a om lai takin,

Isaiah 13:17

En un, ngun leh kham tawh a lungkim lo Media mite pen amaute do dingin ka hanthawn hi.

Isaiah 21:2

A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Isaiah 44:28

Sairas kumpipa in ka tuucingpa hi a, ka deihna teng tung sak ding hi’; ‘Jerusalem kilam ding a,’ biakinn pen, ‘Na bulpi kiphut ding hi,’ a ci Topa ka hi hi.”

Jeremiah 51:11

“Thaltangte hiam un! Lumte la un! Topa in Babilon khua susia nuam ahih manin Media kumpite a hanthawn hi. Bang hang hiam cih leh hih in a biakinnpi hanga Topa’ thuhkikna ahi hi.

Daniel 10:5

Ka tung lam ka ettoh leh puanpak silh-a kham kawnggak tawh a kawng a gak mi khat ka mu hi.

Daniel 2:39

Nang khit ciangin nang sanga neuzaw kumpi gam adang khat hong piang ding a, tua khit ciangin sumngo ahi kumpigam thumna in leitung khempeuh a uk ding hi.

Daniel 5:31

Media mi Darias kumpi a suak hi. (Tua lai takin, Darias kum sawmguk leh kumnih a pha hi).

Daniel 6:28

Tua ahih manin Darias kumpi ahih laitak leh Persia mi Sairas kumpi ahih lai takin, Daniel nuamsa-in a om hi.

Daniel 7:5

Tua ciangin a nihna sapi vompi tawh a kibang khat ka mu hi. A nunglam khe tawh ding-in a kam sung a ha kikalah nakguh thum pet a, “Tho in la, sa tampi ne in,” cihna aw khat a hong ging hi.

Daniel 8:2

Ka mangmuhna-ah thakhatin Elam gam khen sung Susa khuapi kulh sunga a om-in ka kingaihsun a, Ulai gun gei-ah ka ding hi.

Daniel 8:20

Na muh ki nih a nei tuutal in Media leh Persia gam kumpite a cih nopna ahi hi.

Zekhariah 1:18

Ka khuadak leh saki li ka mu hi.

Zekhariah 2:1

Ka muhna dang khat leuleu-ah, a khut sungah tehna khau a tawi mi khat ka mu hi.

Zekhariah 5:1

Ka khuadak kik leh huih lakah a leeng laizial khat ka mu hi.

Zekhariah 5:5

Tua ciangin vantungmi hong kilang kikin kei kiangah, “Tu-a hong pai ding en in,” hong ci hi.

Zekhariah 5:9

Tua ciangin ka khuadak leh numei nih ka mu a, tui-vapi bangin kha nei-in, keima lamah hong leeng uh hi. Van lamah tua ciangpi leh’pih to uh hi.

Zekhariah 6:1

Mang adang khat ka mu leuleu hi. Sumngo mual nih kikal panin sakolleeng li hong paikhia ka mu hi.

Gamlak-vakna 24:2

Balaam khua dak a, a nam-namin Israelte giahphual sat a mu hi. Pasian’ Kha ama tungah hong tung a,

Joshua 5:13

Jerikho khua kiangah Joshua a tun’ ciangin a mitte sangsak in khuadak a, en in, a khut sungah namsau dawhsa tawh mi khat a mai-ah na ding hi; ama kiangah Joshua pai-in, “Ko pawl na hi hiam, ahih kei leh ka langte pawl na hi hiam?” a ci hi.

Mangmuhna 13:11

Tua khit ciangin lei sung panin adang sahang khat pusuak ka mu hi. Tua sahang in tuuno bangin ki nih nei a, gulpi bangin a pau thei hi.

Mangmuhna 5:6

Tua khit ciangin tokhom laizang, ganhingte laizang, upate laizangah leitung khempeuh ah a kisawl Pasian’ Kha Siangtho sagih ahi, ki sagih tawh, mittang sagih a nei, a kithatsa tawh kibang Tuuno ding-in a om ka mu hi.