Daniel 8:2 - Tedim Bible

² Ka mangmuhna-ah thakhatin Elam gam khen sung Susa khuapi kulh sunga a om-in ka kingaihsun a, Ulai gun gei-ah ka ding hi.

Tedim Bible Revision 2017

² Ka maangmuhna ah thakhatin Elam gam sunga om Susa khuapi kulh sungah a omin ka kingaihsun a, Ulai gun gei ah ka ding hi.

Daniel 8:2 Iomraidhean Croise

Piancilna 10:22

Shem’ tapate: Elam, Asshur, Arpakshad, Lud, leh Aram ahi hi.

Piancilna 14:1

Shinar kumpipa Amrafel, Ellasar kumpipa Ariok, Elam kumpipa Khedorla-omer, Goi-im kumpipa Tidalte’ hun lai-in,

Nehemiah 1:1

Hakaliah’ tapa Nehemiah’ thugen in hih bang ahi hi. A kum sawmnihna Khislev kha sungin kumpi khuapi Susa-ah ka om lai takin,

Esther 1:2

Hih hun lai takin kumpi khua ahi Susa khuapi sunga a kumpi tokhom tungah amah tu hi.

Esther 2:8

Kumpipa’ thupiakna kithei kimin, Hegai’ kep dingin ap dingin kumpi khua Susa khuapi-ah numei tampi hong kipaipih ciangin, numeite a uk Hegai’ tungah ap dingin kumpipa’ innah Esther zong kipaipih hi.

Esther 3:15

Kumpipa’ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawmkhia ahi hi. Kumpipa leh Haman zu ne-in om uh a, ahi zongin Susa khuapi sung buai mahmah hi.

Esther 7:6

Tua ciangin Esther in, “Hong langpang ka galpa! Hih mi gilo Haman!” a ci hi. Tua lai takin kumpipa leh kumpinu’ mai-ah cih nading thei loin Haman om hi.

Esther 8:15

Tua ciangin kumpi puansan leh a kang silhin, kham tawh kibawl kumpi lukhu lianpi khu-in, saihadial puan neel leh puansan silhsa-in kumpipa’ omna panin Mordekai paikhia hi; tua ciangin Susa khuapi sunga mi khempeuh lungdamin awng uh hi.

Esther 9:11

Kumpi khua Susa khuapi sunga a kithat zah tua ni mahmahin kumpipa kiangah kizasak hi.

Esther 9:15

Susa khuapi sunga om Judah mite Adar kha a ni sawm-le-li ni-in kikhawm kikin Susa khua sungah mi za thum that uh hi. Ahi zongin amaute’ neihsate suksak lo uh hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 21:2

A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Jeremiah 25:25

Zimri kumpite khempeuh, Elam kumpite khempeuh, leh Media kumpite khempeuh;

Ezekiel 1:1

Kum sawm thum ka phak kum, a kha lina, a ninga ni-in Babilon gam-a om Khebar Gun gei-ah sal-a om Judah midangte tawh ka om lai takin maang ka mu hi. Tua ka maang muhna-ah van hong kihong a, Pasian ka mu hi

Ezekiel 32:24

“Elam zong a kimkotah a galkapte’ han tawh, tua lai mah-ah om hi. Amaute khempeuh gal sungah a si uh hi a, mi site gam Leinuai-ah Pasian a thei loin paisuk uh hi. A hin’ lai-un mi khempeuh a lausak ngeite hi uh a, ahi zongin tu-in amaute si-in mindai-in om uh hi.

Daniel 10:4

Tua kum kha masa ni sawmnih leh nili ni-in Tigris gunpi gei-ah ka ding hi.

Daniel 7:15

Ka mangmuhnate in hong linglawng sakin a hong patausak mahmah hi.

Daniel 7:2

Vantung kui li panin huihpi hong nunga tuipi tung a seem gawp hi.

Daniel 8:1

Belshazzar kumpi a suah zawh a kum thumna kumin keimah Daniel in a nih veina maang ka mu hi.

Daniel 8:3

Ka khuadak toh leh gun gei-ah tuutal khat ding-a om ka mu hi. Amah in a sau mahmah ki nih nei a, a ki po nunung pen a po masa sangin a sauzaw hi.

Gamlak-vakna 12:6

Amah in, “Ka thu za un: Note lakah kamsang a om leh Topa keimah in ama tungah mangmuhna tawh ka kilak a, amah tawh mang sungah ka kiho hi.

Hebru 1:1

Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Mangmuhna 9:17

Mang sungah tua sakolte leh a tuang mite ka mu a, tua mite in mei bang a san, engdum leh kat banga eng awmdalnate a nei uh hi. Sakolte’ lutangte in humpinelkai’ lutang tawh kibang hi. Amau kam sung pan mei leh meikhu leh kat a pusuak hi.