Daniel 7:6 - Tedim Bible

⁶ Ka et lai leh kamkei tawh a kibang sapi dang khat ka mu hi. A nungzangah vasa-kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Tedim Bible Revision 2017

⁶ Ka et lai leh kamkei tawh a kibang sapi dang khat ka mu hi. A nungzang ah vasa kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Daniel 7:6 Iomraidhean Croise

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtaak kung khat a dawn va kuaitan a,

Daniel 10:20

Amah in, “Bang hanga na kianga hong pai ka hi hiam cih na thei hiam? Thuman Laibu sung kigelh thute lak dinga hong pai ka hi hi. Tu-in ciahkik in, Persia gam a uk kumpipa tawh ka kido ding hi. Tua khit ciangin Grik gam a uk kumpipa a hong kilang ding hi. Israelte a cing vantungmi Mikhael longal kei a hong huh ding kuamah a om kei hi.

Daniel 2:39

Nang khit ciangin nang sanga neuzaw kumpi gam adang khat hong piang ding a, tua khit ciangin sumngo ahi kumpigam thumna in leitung khempeuh a uk ding hi.

Daniel 7:4

Amasa pen humpinelkai tawh kibang a, ahi zongin muvanlai’ kha tawh a kibang kha a nei hi. Ka et lai takin a kha tegel a hong kibotkhia hi. Tua ganhing leitung panin kidom kaang to a, mihing bangin a khe nih in kiding sak a, mihing’ lungsim ama tungah a kipia hi.

Daniel 7:5

Tua ciangin a nihna sapi vompi tawh a kibang khat ka mu hi. A nunglam khe tawh ding-in a kam sung a ha kikalah nakguh thum pet a, “Tho in la, sa tampi ne in,” cihna aw khat a hong ging hi.

Hosea 13:7

Tua ahih manin humpinelkai bangin note hong sugawpin, kamkei bangin na pai nading uh lampi-ah kong pang hi.

Mangmuhna 13:2

Ka muh sahang in kamkei tawh kibang hi. A khete vomkhe tawh kibang hi. A kam in humpinelkai’ kam tawh kibang hi. Gulpi in a vangliatna ahi zongin, a tokhom ahi zongin, a aana ahi zongin tua sahang a pia hi.