Daniel 7:2 - Tedim Bible

² Vantung kui li panin huihpi hong nunga tuipi tung a seem gawp hi.

Tedim Bible Revision 2017

² Mun khempeuh panin huihpi hong nungin tuipi tung a seem gawp hi.

Daniel 7:2 Iomraidhean Croise

Isaiah 17:12

Ah, mi tampite’ kikona, tuipi ging bang! Ah, minamte’ otna, tui lianpi ging bang!

Jeremiah 49:36

Vantung mun li panin huihpi ka mutmang sak ding a, Elam gam pana ka hawlkhiatte mun khempeuh ah kikhen thangsak-in a tun’ lohna uh gam khat beek ka omsak kei ding hi.

Jeremiah 51:42

Babilon gamah tuipi hong kahto a, tuihual lauhuaite in tuam ta hi.

Daniel 11:4

Ahih hangin a thahat pen lai takin a gam hong kitam dinga khen li a kisuah ding hi. A suan a khakte in ama gam uk kha loin ama vangliatna zah vaang a nei zo kei ding uh hi; bang hang hiam cih leh ama ukna kibotkhia-in midangte’ tungah kipia ding hi.

Daniel 2:19

Tua ciangin tua zanin tua thu thukpi mangmuhna tawh Daniel’ tungah kihilh a, amah in vantung Pasian’ min a phat hi.

Daniel 7:13

Zan ka mangmuh hun sungin ka khuadak leh mihing tapa tawh a kibang mi khat meii tunga hong pai ka mu hi. A nungta tawnung mipa’ kiangah pai-in, ama kiangah a kipia hi.

Daniel 7:7

Ka et lai leh sapi lina ka mu hi. Tua sapi kihtak huai mahmah a, lipkhap huai-in a thupi mahmah hi. Amah in a gol mahmah sik-ha a nei hi. Amah in nene in a nek val teng a khe tawh a tuancil gawp hi. Amah in sapi dangte tawh kibang loin ki sawm a nei hi.

Daniel 8:2

Ka mangmuhna-ah thakhatin Elam gam khen sung Susa khuapi kulh sunga a om-in ka kingaihsun a, Ulai gun gei-ah ka ding hi.

Daniel 8:8

Tua keeltal a thahatna hong khangto semsem a, ahih hangin a thahatpen lai takin a ki a kitan hi. Tua ki pona munah a lamdang ki li hong po to kik a, vantung kiu lite a kawk hi.

Zekhariah 6:5

Tua ciangin amah in hong dawng a, “Hihte in vantunga om kha lite a cih nopna hi a, leitung khempeuhte’ Topa kiang panin a hong paikhia ahi uh hi,” hong ci hi.

Mattiu 24:31

Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Mangmuhna 17:15

Khat vei amah in, “Numei gilo tutna-a na muh tuite in mipawl, mihon, gam, kamte ahi uh hi.

Mangmuhna 7:1

Tua nung ciangin vantungmi li in lei kiu li mong ah ding-in leitungah ahi zongin, tui tungah ahi zongin, singkung khatpeuh peuh tungah ahi zongin, huih nun’ loh nadingin leitung kiu lite len cipin a om uh ka mu hi.