Daniel 6:3 - Tedim Bible

³ Daniel in gam ukpi dangte leh vaihawmpi dangte sangin nasep a siam zaw diak se hi. Tua banga siam zaw diak se ahih manin kumpipa in gam buppi uk a, koih dingin a ngaihsun hi.

Tedim Bible Revision 2017

³ Gam ukpi dangte le vaihawmpi dangte sangin Daniel nasep siam zaw diak se hi. Tua bangin siam zaw diak se ahih manin kumpipa in gam buppi ukin koih ding a ngaihsun hi.

Daniel 6:3 Iomraidhean Croise

Ezra 4:22

Hih thu tawh kisai-ah na sep ding don loin ommawk kei in; tua hi kei leh kumpi tungah siatna leh gimna hong khang ding hi,” a ci hi.

Nehemiah 7:2

ka sanggampa Hanani leh galdalna inn a uk Hananiah in a et dingin Jerusalem ka pia hi; bang hang hiam cih leh Hananiah in midang tampi sangin a citakzaw, Pasian a zahtakzaw mi khat ahi hi.

Esther 10:3

Bang hang hiam cih leh Kumpipa Ahasu-eras’ zomah Mordekai in a za lianpen nihna ahi hi; Mordekai in ama mite’ phattuam nading leh a suan-le-khakte uh a khan’toh nading hanciam ahih manin Judah mite lakah milian khat hi a, a gam mihonpite in it kim uh hi.

Paunak 17:27

Thu a thei taktakte in gengen khol lo a, a paupau khollote thu mu taktak hizaw hi.

Paunak 22:29

Ama nasepna-ah a siam mahmah mi na thei kha hiam? amah in mi mawkmawkte’ na sem lo ding a, kumpite’ na sem ding hi.

Thuhilh-sia 2:13

Tua banga ka ngaihsut ciangin, khuavak in khuamial a zawh bangin, pilna in haina zawhna ahih lam ka mu hi.

Daniel 5:12

Amah in a kan zaw siamna nei a, mang khiat siamna, thu dotna haksa nonote dawn’ theihna leh thu thukpite gentel theihna a nei hi. Tua ahih ciangin kumpipa in Belteshazzar ci-a a kiphuakpa Daniel sam sak in, tua hi leh amah in a khiatna a hong gen thei pah ding hi,” a ci hi.

Daniel 5:14

Na sungah pasiante’ kha om ahih manin siamna na nei a, lung pilna leh theihna na neih lam ka thei hi;

Daniel 5:7

Amah in mitphial siamte, aisan siamte, aksi et siamte va sam pak un ci-in Babilon mipilte kiangah a gen hi. Tua mite a hong tun’ uh ciangin kumpipa in, “Hih laigelh a sim thei, a khiatna a hong gen thei peuhmah kumpi puanpi san silh sakin, minphatna khamkhi a ngawngah ka ok sak ding a, kumpi gam sungah a za lian thumna-in ka koih ding hi,” a ci hi.

Daniel 9:23

Pasian tunga thuum dinga na kisak lai takin Amah in a hong za zo hi. Pasian in nang hong it ahih manin, tua thu gen dingin ka hong pai zo hi. Tu in, tua mangmuhna thu ka hong hilh tel lai takin, ciamteh in.