Daniel 6:2 - Tedim Bible

² Tua ahih ciangin amah in tua gam ukpite tunga vaihawmpi ding leh kumpi deih bang a sem dingin Daniel leh adang mi nih a teel hi.

Tedim Bible Revision 2017

² Tua ahih ciangin amah in tua gam ukpite tungah a vaihawmpi ding le kumpi deih bang a sem dingin Daniel le a dang mi nih a teel hi.

Daniel 6:2 Iomraidhean Croise

Ezra 4:22

Hih thu tawh kisai-ah na sep ding don loin ommawk kei in; tua hi kei leh kumpi tungah siatna leh gimna hong khang ding hi,” a ci hi.

Esther 7:4

Bang hang hiam cih leh kei leh ka mite suksiat ding, thah ding, beisak mang dingin hong kizuak hi. Kote, numei pasal a kibangin sal dingin hong kizuak hi leh bangmah ka pau kei ding hi; tua bang lel tawh kumpipa nawngkaisak taak lo hi,” a ci hi.

Paunak 26:6

Mihai khat kamtai-a a zangpa in, ama khe mah a sattan tawm, siatna a zongpa ahi hi.

Paunak 3:16

Pilna in hong khan’ sausak a, hauhna leh pahtawina zong hong pia hi.

Daniel 5:16

Ahih hangin nangmah in thu thukpi leh kuama theih zawh loh thute gen thei hi ci-in kong za zo hi. Hi lai kigelh na sim theih a, a khiatna nong gen theih leh, kumpi puanpi san kong silhsak ding a, minphatna khamkhi na ngawngah hong ok sakin, kumpigam sungah a za lian thumna-in ka hong koih ding hi,” a ci hi.

Daniel 5:29

Tua ciangin Belshazzar in Daniel kumpi puansan silhsak dingin thu pia pah a, minphatna khamkhi a ngawngah a oksak hi. A gam sunga a za lian thumna dingin a koih hi.

Daniel 5:7

Amah in mitphial siamte, aisan siamte, aksi et siamte va sam pak un ci-in Babilon mipilte kiangah a gen hi. Tua mite a hong tun’ uh ciangin kumpipa in, “Hih laigelh a sim thei, a khiatna a hong gen thei peuhmah kumpi puanpi san silh sakin, minphatna khamkhi a ngawngah ka ok sak ding a, kumpi gam sungah a za lian thumna-in ka koih ding hi,” a ci hi.

Daniel 6:1

Darias in a gamsung khempeuh a uk dingin gam ukpi za leh sawmnih koih dingin a ngaihsun hi.

Mattiu 18:23

Tua ahih ciangin, Vantung Gam in ama nasemte ciamtehna lai a en nuam kumpipa khat tawh kibang hi.

Luka 16:2

A topa in sumkempa sam a, ‘Nang thu ka zak teng bangci thu ahi hiam? Na sumkep ciamtehna lai hong pia in. Bang hang hiam na cih leh, sumkep na nasem nawn kei ding hi,’ a ci hi.

1 KORIN MASA 4:2

Tua tham loin, sumpi keempa in lungsim dik a nei ding hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.