Daniel 4:8 - Tedim Bible

⁸ Tua ciangin Daniel (a min dang Belteshazzar ka pasian min tam a, kiphuakpa) a hong pai hi. A siangtho pasiante’ kha ama sungah om ahih ciangin, ama kiangah ka mangmat ka gen hi.

Tedim Bible Revision 2017

⁸ Tua ciangin Daniel (a min ding Belteshazzar, ka pasianʼ min tamin a kiphuak pa) a hong pai hi. Pasianʼ kha ama sungah om ahih ciangin ama kiangah ka mangmat ka gen hi.

Daniel 4:8 Iomraidhean Croise

Piancilna 41:38

Faro in a nasemte' kiangah, “Ama' sungah Pasian’ Kha Siangtho a omna, hih bang mi mu ding i hi hiam?” ci hi.

Isaiah 46:1

Bel pasian puksukin, Nebo pasian kunsuk a, tua milimte pen ganhing leh bawngte tungah kipua hi; note’ puak hih nate pen, a gim mahmah ganhingte tungah vangik om bangin note’ tungah hong gik hi.

Isaiah 63:11

Tua ciangin amaute in hun lui lai, ama nasem Moses’ hun phawk uh hi. Ama tuuhonte a cing tuucingpa, tuipi sung pan a, a paikhiatpih Topa koi-ah om ta ahi hiam? Amaute’ tungah a Kha Siangtho a piapa,

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Ezekiel 17:23

Israel mual sang pen dawn-ah suanin, a hiang zai-in a gah luai ding a, taamtaak lianpi khat suak ding hi. Tua tungah vasa nam khempeuh tawlnga ding a, bu bawlna munin nei ding uh hi.

Daniel 1:7

Innsung mang lianpenpa in amaute minthak phuah a, Daniel’ min dingin Belteshazzar, Hananiah min dingin Shadrak, Mishael min dingin Meshak, Azariah min dingin Abednego a phuak hi.

Daniel 2:11

Kumpipa’ thu dotna pen haksa lua mahmah ahih manin, mihing ahi lo pasiante longal a gen thei ding kuamah om lo hi,” a ci uh hi.

Daniel 2:26

Kumpipa in Belteshazzar a kici Daniel kiangah, “Ka mangmat bang hi a, a khiatna bang hiam cih hong gen thei ding na hi hiam?” ci-in a dong hi.

Daniel 3:14

Amah in “Shadrak, Meshak leh Abednego aw, ka pasian bia nuam loin, ka kham milim koih mai-ah kun nuam lo na hi uh hiam?

Daniel 4:18

Keimah Nebukhadnezzar Kumpipa in, Belteshazzar aw, ka mangmat pen hi bang ahi hi. Tu’n a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nang sungah a siangtho pasiante’ kha om ahih manin na hong gen thei ding hi,’ ka ci hi,” a ci hi.

Daniel 4:9

Ama kiangah, aisan theite laka alianpen Balteshazzar aw, a siangtho pasiante’ kha na sungah om ahih manin thu thuk khempeuh na theihtheih lam ka thei hi. Hih ka mang a khiatna hong gen in, ka ci hi.

Daniel 5:14

Na sungah pasiante’ kha om ahih manin siamna na nei a, lung pilna leh theihna na neih lam ka thei hi;