Daniel 4:6 - Tedim Bible

⁶ Ka mangmat a khiatna a hong hilh dingin, Babilon gam kumpi thudotte khempeuh a hong pai nadingun thu ka pia hi.

Tedim Bible Revision 2017

⁶ Ka mangmat a khiatna a hong hilh dingin Babylon gam kumpi thudotte khempeuh a hong pai nadingun thu ka pia hi.

Daniel 4:6 Iomraidhean Croise

Paikhiatna 7:11

Tua ciangin Faro in mi pilte leh aisan siamte sam hi; amau’ Izipt mitphial siamte in zong amau’ siamna tawh tua bang teek mahin bawl thei uh hi.

Isaiah 8:19

Amaute in note kiangah, “Phun suau-suau-in a pau mualmual vankah theite leh aisan theite kiangah thu dong un. Mite in amaute’ pasian thu dongin, mihingte’ thu pen misite dot ding mah hilo ahi hiam?” hong ci ding uh hi.

Daniel 1:17

Pasian in tua khangno lite lai theih siamna leh pilna thukte a pia hi. Daniel pen mangmuhna leh mang khiat siamna a pia hi.

Daniel 2:2

Tua ahih ciangin bang mang man’ cih a hilh dingin mitphial siamte, mi bum theite, leh khongkhai siamte a samsak hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babion gam teng uk sakin, Babilon mipil thu dotte ukpipa dingin a koih hi.

Daniel 4:15

Ahih hangin a bul leh lei sunga a zungte nusia in. Sik leh sumngo kual tawh vial in la, gamlak lopate tawh nusia khawm in. Hi mipa tungah daitui kai hen la, ganhingte leh lopate tawh teeng khawm hen.

Daniel 5:11

Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.

Daniel 5:7

Amah in mitphial siamte, aisan siamte, aksi et siamte va sam pak un ci-in Babilon mipilte kiangah a gen hi. Tua mite a hong tun’ uh ciangin kumpipa in, “Hih laigelh a sim thei, a khiatna a hong gen thei peuhmah kumpi puanpi san silh sakin, minphatna khamkhi a ngawngah ka ok sak ding a, kumpi gam sungah a za lian thumna-in ka koih ding hi,” a ci hi.