Daniel 4:3 - Tedim Bible

³ Pasian hong lah nalamdangte, bang zahin lian ahi hiam! A bawl nalamdangte, bang zahin vanglian ahi hiam! Pasian in a tawntungin kumpi hi ding a, Amah in a tawntungin a uk ding hi.

Tedim Bible Revision 2017

³ “Pasianʼ hong lah nalamdangte, bangzahin lian ahi hiam? A bawl nalamdangte, bangzahin vanglian ahi hiam? A tawntungin Pasian kumpi hi dinga, amah in a tawntungin a uk paisuak ding hi.

Daniel 4:3 Iomraidhean Croise

JOB (Job) 25:2

“Pasian vanglian a, mi khempeuh in a zahtak ding ahi hi. Ama vantung kumpi gam, nuam takin a omsak zo hi.

Late 104:24

Topa aw, nangma sepsa bangzah takin tam! Nangmah in ciimna tawh tuate khempeuh na bawl khin hi; leitung in nangma pian’sak ganhingte tawh kidim hi.

Late 105:27

Amaute in, ama limte amaute lakah, nalamdangte, Ham’ gam sungah bawl uh hi.

Late 145:13

Na Kumpigam pen a tawntunga om kumpigam hi a, na ukna in khang tawntungin a kip hi. Topa pen ama thute khempeuh ah thutak a, a gamtatna khempeuhah hehpihna nei hi.

Late 66:7

Ama hatna tawh a uk ngitngetpa, a mit tawh minamte a encik ngitngetpa, mi lehdote in langpan’ kei uh hen.

Late 72:18

Nalamdangte a bawl amah bek ahi, Israel Pasian, Topa in thupha ngah ta hen.

Late 77:19

Nangma lamlian in tuipi tung hi a, nangma lamneu in tui liante tung ahi hi; ahi zongin na khekhapte kimu lo hi.

Late 86:10

Bang hang hiam cih leh nangmah in nalamdangte bawlin a lian na hi a, nang bek in Pasian na hi hi.

Late 92:5

Topa, na sepnate bangzah takin lian! Na ngaihsutnate thuk mahmah!

Isaiah 25:1

Topa aw, nang in keima Pasian na hi hi; nangmah kong liansak ding a, nangma min ka phat ding hi; bang hang hiam cih leh nang in a lamdang nate na semkhin a, tanglai pek a, na geelnate a kip a thumaan takpi ahi hi.

Isaiah 28:29

Hih zong Vanglianpen Topa’ kiang pan a, hong pai thu ahi hi; amah pen thu lamlahna-ah lamdang a, pilna-ah lian mahmah hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Daniel 2:2

Tua ahih ciangin bang mang man’ cih a hilh dingin mitphial siamte, mi bum theite, leh khongkhai siamte a samsak hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 4:17

Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

ROM (Romans) 11:33

Pasian’ hauhna leh pilna leh siamna in bang zahin thuk hiam! A thukhennate kuamah in thei zo lo hi! A paina lampi zui-in i zon’ hangin i mu zo kei hi!

Thu-hilhkikna 4:34

Tua ahih kei leh, Topa na Pasian un Izipt gam sungah note adingin na muhna uhah a bawlte khempeuh tawh kibangin, ze-etna, lim, nalamgdang, gal, a vanglian leh a thahatna leh launa lianpi tawh pasian khat sung pan minam khat a va lak ding hanciam ngam ngei ahi hiam?

1 TIMOTI MASA 1:17

A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.

Hebru 1:8

A Tapa thu ahih leh: “Pasian aw, na tokhom in A om tawntung tokhom ahi hi, Dikna ahi ukna Ciang in Na gam ukna ciang ahi hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.