Daniel 4:11 - Tedim Bible

¹¹ Tua singkung pen khangkhangin gol semsema, vantung dong banto ahih ciangin leitung mi khempeuh in a mu thei uh hi.

Tedim Bible Revision 2017

¹¹ Tua singkung pen khangkhangin gol semsem a, vantung dong ban to ahih ciangin leitung mi khempeuh in a mu thei uh hi.

Daniel 4:11 Iomraidhean Croise

Piancilna 11:4

Tua ciangin amaute in, “Hong pai un, leitung buppi maitang-ah eite i kithehthang gawp loh nadingin ei’ adingin khuapi khat bawlin, a dawn in vantung a ban ding tausangpi khat lamin, eite’ min ding khat bawl ni,” ci uh hi.

Ezekiel 31:12

Thu khualna a nei lo gamdang mite in tua singkung phukin nusia cip ding uh hi. Mual khempeuh leh guam khempeuh ah, a hiang kitante kia ding uh hi. A liim a beel minam khempeuh in taisan ta ding uh hi.

Ezekiel 31:5

Lim takin tui ngah ahih manin, singkung dang khempeuh sangin sang zaw hi. A hiangte zong golin sau mahmah hi.

Mattiu 11:23

Kapernaum khuapi aw, vantung dongin minthan’na na ngah ding hiam? Nang in hel khua dongin na kiasuk ding hi. Bang hang hiam na cih leh, nangma sungah a kilak vangliatnate in Sodom khuapi sungah kilak ngei leh, tu-ni dongin a kip lai ding hi.

Thu-hilhkikna 9:1

“Israelte aw, za un; note sangin tamzaw-in a thahat zaw minamte, lianin van banin kulhpi a kiciangto khuapite, na theihsa uh mi ahi a pum a lian a tun sang Anak mite, ‘Anak mite, kua in do zo ding ahi hiam?’ a kicih na zak ngei mite uh a suankhia dingin tu ni-in Jordan a kantan’ ding na hi uh hi: