Daniel 4:1 - Tedim Bible

¹ Nebukhadnezzar kumpipa in leitunga om minam kimte, minam tuamtuamte, paunam tuamtuamte khempeuh tungah a nuai-a thute a khak hi: “Note tungah nopna om ta hen!

Tedim Bible Revision 2017

¹ Nebukhadnezzar kumpipa in leitung a om minamkimte, minam tuamtuamte, pau nam tuamtuamte khempeuh tungah a nuai-a thute hih bangin a khak hi: “Note tungah nopna om tahen!

Daniel 4:1 Iomraidhean Croise

1 KHANG TANGTHU MASATE 12:18

Tua ciangin mihing sawmthum a ukpipa Amasai tungah Pasian Kha Siangtho hong tung a, amah in, “Kote in nangma’ aa hi ung, David aw; nang tawh om ung, Jessi’ tapa aw! Nopna, nopna nang tungah om hen la, nang hong huhte tungah nopna om ta hen! Bang hang hiam cih leh na Pasian in nang hong huh hi,” a ci hi. Tua ciangin David in amaute sang a, ama galkap uliante-in bawl hi.

Ezra 4:17

Tua ciangin kumpipa in hih bangin a lai uh thuk hi: “Menzipipa Rehum, lai-atpa Shimshai, leh Samaria leh Eufrates gungal gam sunga om na lawmte khempeuh uh tungah hopihna lai kong khak hi.

Ezra 5:7

Amaute in thuzaksakna lai hih bangin a gelh uh hi: “Kumpi Darias tungah thupha namcin hong tung ta hen.

Esther 3:12

A kha masa a ni sawm-le-thum ni-in kumpipa’ lai-atte khempeuh kisam a, Haman’ genna tawh kizui-in kumpipa’ nuai-ah gam tampi a uk sawnte, gam khat a uk sawnte leh gam uk sawnte’ khut nuai-ah a mi tuamtuamte lakah uliante tungah lai kipaisak hi. Gam khempeuh ah amau’ lai ciat, mi khempeuh tungah amau’ pau ciatin kigelh hi. Hih lai pen Kumpipa Ahasu-eras’ min tawh kigelhin kumpipa’ min thuhna zungbuh tawh min kithuh hi.

Esther 8:9

Tua ahih ciangin a kha thumna ahi Sivan kha a ni sawmnih-le-thum ni-in kumpipa’ lai-atte kisam a, Mordekai’ gen bang teekteekin Judah mite tung, leh India panin Ethiopia dong, gam za khat leh sawmnih-le-sagih a uk ahi gam tampi a ukte, gam khat a ukte leh tua gamsunga uliante tungah lai kihawm kik a, amau’ lai ciat leh amau’ pau ciatin kigelh hi; Judah mite’ ading zong amau’ lai leh amau pau mah-in kigelh hi.

Daniel 3:29

Tu-in minam kimte, minam tuamtuamte, paunam tuamtuamte mi khat peuhpeuh in Shadrak,’ Meshak,’ Abednego-te’ Pasian gensiatna kam pau a om leh kibalnen gawp ding a, a inn uh a kisuksiat sak ding hi ci-in thukhamna ka bawl hi. Bang hang hiam cih leh hi banga hon thei pasian dang peuhmah om lo hi,” a ci hi.

Daniel 3:4

Tua ciangin “Mi namkimte, minam tuamtuamte leh paunam tuamtuamte khempeuh aw!

Daniel 6:25

Tua ciangin Darias kumpipa in leitunga om minam kimte, minam tuamtuamte leh paunam tuamtuamte khempeuh tungah lai khak a: “Na tung uhah nopsakna om ta hen.

Daniel 6:27

Amah in gumkhiapa leh tankhiapa hi a, vantung leh leitungah, lim leh nalamdangte a bawl hi. Humpinelkaite’ thahatna panin, Daniel a suakta sak hi,” a ci hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Sawltak 2:6

Tua awging a zak uh ciangin mihonpi kikhawm uh a, mi kim in ama kam ciat tawh thu a gen a zak ciangun lamdang a sa uh hi.

Efesa 1:2

I Pa Pasian leh Topa Zeisu Khazih kiang pan hehpihna thupha leh nopna note tungah om ta hen.

1 TIMOTI MASA 1:2

Upna sungah ka ta taktak ahi Timoti kiangah kong zasak hi. Pa Pasian leh Khazih Zeisu i Topa’ hehpihna thupha, hehpihna leh nopna nangma tungah om ta hen.

1 PETER MASA 1:2

Pa Pasian’ theih kholh bangin a teelkhiat mite ahi, Pontas gam, Galati gam, Kappadokia gam, Asia gam, Bithunia gam leitung mun khempeuh ah kikhen thangin lal-a om mite kiangah ka hong zasak hi. Hehpihna thupha leh nopna in note tungah hong khang semsem ta hen.