Daniel 3:4 - Tedim Bible

⁴ Tua ciangin “Mi namkimte, minam tuamtuamte leh paunam tuamtuamte khempeuh aw!

Tedim Bible Revision 2017

⁴ Tua ciangin nakpi takin taangkona khat kibawl a, “Minam tuamtuamte le pau nam tuamtuamte khempeuh aw!

Daniel 3:4 Iomraidhean Croise

Esther 8:9

Tua ahih ciangin a kha thumna ahi Sivan kha a ni sawmnih-le-thum ni-in kumpipa’ lai-atte kisam a, Mordekai’ gen bang teekteekin Judah mite tung, leh India panin Ethiopia dong, gam za khat leh sawmnih-le-sagih a uk ahi gam tampi a ukte, gam khat a ukte leh tua gamsunga uliante tungah lai kihawm kik a, amau’ lai ciat leh amau’ pau ciatin kigelh hi; Judah mite’ ading zong amau’ lai leh amau pau mah-in kigelh hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Daniel 3:10

Kumpipa in, tum theihte a hong kitum khit phetin mi khempeuh kham milim mai-ah kunin bia ding uh hi ci-in thu na pia khin zo hi.

Daniel 3:3

Tua ciangin tua mangliante khempeuh milim apna dingin milim mai-ah a ding uh hi.

Daniel 3:7

Tua mah bangin minam kimte, minam tuamtuamte leh paunam tuamtuamte khempeuh in tum theih gingte a zak khit phetun, kun sukin Nebukhadezzar Kumpipa’ kham milim koih a bia uh hi.

Daniel 4:1

Nebukhadnezzar kumpipa in leitunga om minam kimte, minam tuamtuamte, paunam tuamtuamte khempeuh tungah a nuai-a thute a khak hi: “Note tungah nopna om ta hen!

Daniel 4:14

Amah in nakpi-in kiko-in, “Singkung phuk in la, a hiang teng sattan in; a teh teng heuh siang in la, a gah teng thehthang in. A nuai-a ganhing teng leh a hiang tunga vasa teng hawlkhia in,

Daniel 6:25

Tua ciangin Darias kumpipa in leitunga om minam kimte, minam tuamtuamte leh paunam tuamtuamte khempeuh tungah lai khak a: “Na tung uhah nopsakna om ta hen.

Hosea 5:11

Israel in zong gimna thuakin a cimawh hita hi; bang hang hiam cih leh piak ding bang mah a nei lote kiangah huh ngen dingin pai hamtang hi.

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,