Daniel 2:11 - Tedim Bible

¹¹ Kumpipa’ thu dotna pen haksa lua mahmah ahih manin, mihing ahi lo pasiante longal a gen thei ding kuamah om lo hi,” a ci uh hi.

Tedim Bible Revision 2017

¹¹ Kumpipaʼ thudotna pen haksa lua mahmah ahih manin, mihing ahi lo pasian-te longal a gen thei ding kuamah om lo hi,” a ci uh hi.

Daniel 2:11 Iomraidhean Croise

Piancilna 41:39

Tua ahih ciangin Faro in Josef' kiangah, “Pasian in hihte khempeuh nang hong lak khin ahih manin, nang banga thu ngaihsut siam leh a pil om lo hi;

Piancilna 41:8

Tua ahih ciangin zingsangin a lungkham hi; amah in mi sawlin Izipt mitphial siamte khempeuh leh a mi pil khempeuh samsak hi; Faro in amaute kiangah a mang gen a, ahih hangin Faro tungah a khiatna a gen thei kuamah om lo hi.

1 KUMPI MASATE 8:27

“Ahih hangin leitungah Pasian teeng taktak ding ahi hiam? En in, vantung leh vantung a sangpen in nang hong huam zo lo hi; keima lamsa hih inn in bangzahin nang hong huam zo lo zaw kan ding ahi hiam!

2 KHANG TANGTHU NIHNATE 6:18

“Ahih hangin Pasian in mite tawh leitungah hong teeng takpi ding ahi hiam? En in, vantung leh a sangpen vantung in nang hong huam zo lo hi; hih keima lamsa inn in hong huam zo lo zawkan ding hi!

Late 132:14

“Hih in ka om tawntung nading mun ahi hi; deih ka hih manin hih lai munah ka teeng ding hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mite leh mi lehdote’ tung nangawn panin piakkhong nate na ngah hi.

Paikhiatna 29:45

Israel mite' lakah keimah teengin amau’ Pasian ka hi ding hi.

Paikhiatna 8:19

Mitphial siamte in Faro' kiangah, “Hih in Pasian’ nasepna ahi hi,” ci uh hi. Ahih hangin Faro’ lungsim khauh a, Topa’ gensa bangin amah in amaute’ thu ngai lo hi.

Isaiah 47:12

Na neu lai-a kipan na sep ahi na mibumna leh na aisannate ah kip takin om in; phattuamna na ngah kha ding a, mite na lausak zo kha ding hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 8:18

En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.

Daniel 4:4

“Keimah Nebukhadnezzar in dai takin kumpi innah ka teeng a, nuamsa mahmahin ka om hi.

Daniel 5:11

Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.

Gamlak-vakna 35:34

A laizangah keimah ka ten’na, note ten’na leitang na ninsak kei ding uh hi; bang hang hiam cih leh Topa keimah in Israel mite laizangah ka teeng hi, ci-in gen in,” a ci hi.

Mattiu 19:26

Zeisu in amaute enin, “Hih thu mite in ahih zo kei uh hi. Ahih hangin Pasian in na khempeuh ahih thei hi,” a ci hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 14:17

Tua Kha Siangtho leitung mite in mu loin thei lo uh ahih ciangin a sang zo kei uh hi. Tua Kha Siangtho in note tawh omkhawmin, note sungah om ding ahih ciangin amah na thei ding uh hi.”

Johan 14:23

Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

Mangmuhna 21:3

Kumpi tokhom sung pan zong, “En in, Pasian buk mite lakah om a, amah in amaute tawh a omkhawm ding hi. Amaute in zong Topa’ mipawlte suakin, Pasian mahmah in amaute tawh omkhawmin amaute Pasian ahi ding hi.