Daniel 12:4 - Tedim Bible

⁴ Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.

Tedim Bible Revision 2017

⁴ Tu-in Daniel aw, beina hun a tun mateng laibu khupcip inla, a tungah ciaptehna koih in. A kallak ah mi tampite in bang thu piang hiam cih thei tel nuamin a hanciam ding uh hi,” a hong ci hi.

Daniel 12:4 Iomraidhean Croise

Daniel 12:9

Amah in, “Daniel aw, tu-in ciah in, bang hang hiam cih leh hih thute in beina hun a tun’ mateng selcip a, ciamteh ding ahi hi.

Mangmuhna 22:10

Tua nung ciangin amah in, “Hih laibu sungah thu genkholhnate imcip kei in. Bang hang hiam na cih leh, a hun a hong tung dektak zo hi.

Daniel 8:26

Hih zingsang leh nitak biakna piakna mangmuhna thu a hong kihilhtelna in a maan ahi hi. Tu in hih mangmuhna thu a hong tun’ ding hun sawtpi hi lai ahih manin imcip phot in,” hong ci hi.

Daniel 8:17

Gabriel hong pai-in ka kiangah hong ding a, lau lua mahmah ka hih manin lei tungah ka puk hi. Amah in, “Leitungmi aw, a khiatna thei in. Mangmuhna pen hun beina ding lahna ahi hi,” ci-in ka kiangah a hong gen hi.

Mangmuhna 10:4

Tua bangin vanging sagihte genna gelh dingin ka kisak leh, “Vanging sagihte in a gen uh thute ciamtehin gelh kei in,” ci-in vantung pan hong pusuak aw ka za hi.

Daniel 12:13

Nang, Daniel na hih leh a tawp dong muanhuai takin om in. Tua ciangin na si ding a, ahih hangin hun a bei ciangin thaman sang dingin na thokik ding hi,” hong ci hi.

Isaiah 32:3

Tua ciangin amau’ mit si loin, mi cimawhte’ kisapna mu ding a, amau’ bil in mi cimawhte’ thugen ngai ding uh hi.

Isaiah 8:16

Ka nungzuite aw, Pasian in kei tungah hong piak hih teci thute, lim takin kemin koih cing un.

Mattiu 24:14

Mi namkimte tungah teci a pan’ nadingin leitung khempeuhah Lungdamna Thu kihilh ding hi. Tua khit ciangin beina a piang ding hi.”

Isaiah 11:9

Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.

Daniel 11:33

Pilna a nei mite in a pilna uh midang tampite a hilh ding uh hi. Ahih hangin tawl khat sung mi pawlkhat in gal sunga sihna leh meikuang sunga thahna a thuak ding uh hi. Mi kim khatte in lawkgawpna leh thongkiatna thuak ding uh hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

Daniel 10:1

Sairas in Persia gam kumpi-a a suah zawh kumthum a phak lai takin, Belteshazzar a kici Daniel tungah thu khat a kipia hi. Tua thu pen a maan hi a, theihtel hak mahmah ahih manin mangmuhna tawh tel takin a kilak hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Mangmuhna 5:1

Tokhom tungah tu-in a om mi’ khut taklamah, ciamtehna sagih tawh kip taka kiciamteh a, a sung leh a pua a kigelhsa laibu khat ka mu hi.

Isaiah 29:11

Hih mangmuhnate khempeuh pen note’ adingin ahih leh a kimatcip laibu sunga thu om tawh a kibang suak hi. Mite in lai a sim theipa khat tungah, “Hih lai sim dih in,” a cih ciangin amah in, “Kimatcip ahih manin ka sim thei kei hi,” ci hi.

Jeremiah 5:1

Jerusalem khua sungah kileh kawikawi un. Khuadak un la, en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khua a mawhna ka maisak ding hi.

Daniel 10:14

Mai lam hunah na mipihte’ tunga hong tung ding thu hilhkhol dinga hong pai ka hi hi. Hih in mai lama hong piang lai ding mangmuhna ahi hi.

Daniel 12:5

Tua ciangin keimah Daniel in gun pang tuaka ding mi nih ka mu hi.

Daniel 8:19

Amah in, “Pasian’ hehna hanga a kisehsa hun a, thupiang dingte ka hong lak ding hi. Mangmuhna in hun bei nading lahna ahi hi.