Daniel 12:1 - Tedim Bible

¹ “Tua hun ciangin na mite a cing, a lian vantungmi Mikhael a hong kilang ding hi. Tua ciangin leitunga mihing a pian’ zawh akipan a nasia penpen gimna hun a hong tung ding hi. Tua hun a hong tun’ ciangin Pasian’ laibu sunga a min kigelh, na mite khempeuh in gupna a ngah ding uh hi.

Tedim Bible Revision 2017

¹ Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pian zawh a kipan a nasia penpen gimna hun hong tung ding hi. Tua hun a hong tun ciangin Pasianʼ laibu sungah a min a kigelh na mite khempeuh kihon khia ding hi.

Daniel 12:1 Iomraidhean Croise

Late 56:8

Ka sin liin’nate nangmah in na ciamteh khin hi; ka khituite na thawl sungah thun in! Tuate na laibu sungah om lo ahi hiam?

Late 69:28

A nungtate’ laibu sung panin amaute kiphiatsak in la, miphate lakah a min uh kikhumsak kei in.

Isaiah 4:3

Topa in thukhenna leh meihalna tawh Zion numei’ nitna teng siangsakin, Jerusalem khua sung panin mithahna teng a beisak ciangin, Zion-ah a om lai mi, Jerusalem ah a om lai mi khang tawntunga Jerusalem ah om dingin a kiciamtehsa mite khempeuh pen a siangtho kici ding hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Ezekiel 13:9

Zuau thu tawh maangmu kineihin, mite a khialh theih nadingin zuau thu a gen khol no kamsangte daan a hong pia ding ka hi ta hi, Ka mite a kikhop uh ciangin tuate lakah na kihel kei ding uh a, Israel mite’ min a kigelhna lakah note’ min kigelh lo ding hi. Na gam uhah na ciahkik ngei kei ding uh hi. Tua ciangin Topa Pasian ka hihna thu na thei ding uh hi.

Ezekiel 34:24

Topa ahi keimah in amaute’ Pasian ka hi ding a, ka nasempa David in amaute a ukpa hi ding hi. Topa ahi keimah in hih thu ka gen khin hi.

Ezekiel 5:9

Ka deih loh hih nate khempeuh na gamtatna hangin cikmah-in ka hih ngei loh, cikmah ciangin zong ka hih nawn loh ding thu tawh nang Jerusalem kong daantat ding hi.

Daniel 10:13

Persia gam a uk kumpipa in ni sawmnih leh nikhat sung a hong nial hi. Tua ciangin vantungmi thupite khat ahi Mikhael in kei hong panpih dingin a hong pai hi. Bang hang hiam cih leh Persia gam sungah keimah guak bek ka om hi.

Daniel 11:45

Amah in a kumpi puanbuk lianpite biakinn din’na mualtung leh tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi.

Daniel 7:10

tua sung panin meikuang gunpi a hong luangkhia hi. Ama nasem ding mihing tulza om a, a mai-ah mihing tul zasawm a ding uh hi. Thukhen nading hun kipana laibute a kiphen hi.

Daniel 9:12

Na gensa bangin kote tung leh ko hong ukte tungah a nasia gimna nong tungsak zo hi. Leitunga om khuapi dang khatpeuh na hih ngei loh pen Jerusalem tungah na hih hi.

Joel 2:2

Tua ni a mial, a lungzin’ huai ni, meii kai-in khuazin’ ni hi ding hi. Mual tungah meiipi a kai bangin, sim zawh lohin kauphe honpi hong leeng hi. Cik mahin hih bang om ngei nai lo a, cik mah ciangin zong omkik nawn lo ding hi.

Malakhi 3:16

Topa a zahtak mite khat leh khat in tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Mattiu 24:21

Bang hang hiam na cih uh leh, lei a pian’cil pan akipan tudongin a piang ngei lo, a nung ciang a piang nawn lo ding gimna lianpi tua lai takin a piang ding hi.

Marka 13:19

Bang hang hiam na cih uh leh, Pasian’ bawlsa leitung pian’cil a kipan tudongin a piang nawn lo ding gimna lianpi tua lai takin a piang ding hi.

Luka 10:20

Note bangmah in hong bawlsia kei ding hi. Ahih hangin dawite na zawh uh hangin lungdam kei un. Vantung khua sungah na min uh a kigelh manin na lungdam ta un,” a ci hi.

ROM (Romans) 11:15

Tua mite kipaih khiatna un leitung mite’ kilem kikna a pian’sak leh, amau kikoihcin’na un sihna pan thawhkikna hilo ahi hiam?

ROM (Romans) 11:26

Tua ahih ciangin Lai Siangtho sungah a kigelh mah bangin Israel mite khempeuh in gupna a ngah ding uh hi. Tua a kigelhna in: “Zion Mual tungah Gumpa hong pai ding a, Pasian zahtak lohna Jakob’ suante lak pan a lakhia ding hi.

Efesa 1:21

Na khempeuh a sang belna, ukna, vangliatna leh aana-a kipan tu laitak leitung bek hi lo, nung ciangin a piang ding leitungah a kisam a kiphuak min khempeuh tung, vantungah ama ziat lam a sang mahmah omna-ah a tu sak hi.

Filippi 4:3

Lawm naseppih taktak aw, tua numeite huh dingin ka hong thuum hi. Bang hang hiam na cih uh leh, amaute in kei leh Klement-a kipan nuntakna laibu sungah min kikhum adang ka naseppihte tawh Lungdamna Thu ka hilh khawmna-ah hong huhin, a hahkat mi ahi uh hi.

Juda 1:9

Vantungmite a ukpa Mikhael nangawn in Dawimangpa tawh kidoin, Moses’ luang tawh kizomin a kinial lai takin, kisiatna bawl ngam loin, “Topa in nang hong taai hen,” a ci bek hi.

Mangmuhna 12:7

Tua ciangin vantungah galkido-in, Mikhael leh ama vantungmite in gulpi tawh a kido uh hi. Gulpi leh a nungzuite in a do uh a,

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Mangmuhna 20:12

Tua lai takin a si mi a neu a liante in tua kumpi tokhom mai-ah ding-a a om uh ka mu hi. Laibute zong kiphen uh hi. Nuntakna laibu ahi adang laibu khat a kiphen hi. Tua a si mite in a gamtatnate bang laibu sungah a kigelh mah bangin thukhenna a thuak uh hi.

Mangmuhna 20:15

Nuntakna laibu sungah a min om lo mi peuhmah tua mei li sungah a khiasuk hi.

Mangmuhna 3:5

A zo mi in tua bang puanpaak a silh ding hi. Ama min zong nuntakna laibu pan ka su mang ngei kei ding hi. Ama min ka Pa mai-ah ahi zongin, ka Pa’ vantungmite mai-ah ahi zongin ka gum ding hi.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.