Daniel 11:2 - Tedim Bible

² “Tu-a na tunga kong gen ding thu in thuman ahi hi. Kumpi thum in Persia gam uk lai ding a, tua banah a lina a hong khang ding hi. Tua pa in a dang teng sangin a hau zaw ding hi. Amah in a hauhpen pen laitak leh a thahat pen lai takin Grik kumpi a to ding hi.

Tedim Bible Revision 2017

² Tua ciangin amah in, “Tu-a na tunga kong gen ding thu, a thuman ahi hi. Kumpi thum in Persia gam uk lai dinga, tua banah a lina hong khang ding hi. Tua pa, a dang teng sangin a hau zaw ding hi. Amah in a hauh penpen laitak le a thahat pen laitakin Grik kumpi a to ding hi.

Daniel 11:2 Iomraidhean Croise

Ezra 4:24

Tua huna kipanin Jerusalem a, om Pasian’ inn a kisepna khawl hi; Persia kumpi Darias’ uk a kum nihna dong tua bangin khawlcip phot hi.

Ezra 4:7

Tua ciangin Persia kumpi Artakzaksis hun ciangin Mithredath, Tabeel leh a lawmte uh thukimna tawh kumpipa tungah laigelh uh a, a lai pen Aram lai-in kigelh a, Aram pau mahin kisim khia hi.

Esther 1:1

Hih lai-a kigen thu piangte pen India gam panin Ethiopia gam dong, gamneu za khat sawmnih-le-sagih a uk Ahasu-eras’ hun lai-a piang thu ahi hi.

Paunak 22:21

note hong sawlte tungah thuman na gen kik theih nadingun, thuman na theih nading uh ka deihna ahi hi.

Daniel 10:1

Sairas in Persia gam kumpi-a a suah zawh kumthum a phak lai takin, Belteshazzar a kici Daniel tungah thu khat a kipia hi. Tua thu pen a maan hi a, theihtel hak mahmah ahih manin mangmuhna tawh tel takin a kilak hi.

Daniel 11:25

Izipt gam hang taka a sim theih nadingin galkap tampi a kaikhawm ding hi. Bang hang hiam cih leh Izipte in zong galkap tampi tawh nasia takin a na do ding uh hi. Izipt kumpipa in kheemna thuak kha ding ahih manin gal a zo kei ding hi.

Daniel 7:5

Tua ciangin a nihna sapi vompi tawh a kibang khat ka mu hi. A nunglam khe tawh ding-in a kam sung a ha kikalah nakguh thum pet a, “Tho in la, sa tampi ne in,” cihna aw khat a hong ging hi.

Daniel 8:21

Keltal in Grik kumpi gam hi a, a mit kikal-a po ki in kumpi masapen a cih nopna ahi hi.

Daniel 8:26

Hih zingsang leh nitak biakna piakna mangmuhna thu a hong kihilhtelna in a maan ahi hi. Tu in hih mangmuhna thu a hong tun’ ding hun sawtpi hi lai ahih manin imcip phot in,” hong ci hi.

Daniel 8:4

Tua tuutal in a ki tawh, nitumna lam, sak lam, khang lam a si kawikawi ka mu hi. Ama ut bangin kiphasak-in gamta ahih manin, amah a kho zo ding leh a thahatna pan a suakta zo ding ganhing khat beek a om kei hi.

Amos 3:7

Topa Pasian in ama nasem kamsangte tungah, ama geelna theisak lopi-in bangmah hih het lo hi.

Johan 10:35

Pasian thu a ngahte in pasiante ahi uh a kicih leh, Pasian Lai Siangtho kinial lo ahih ciangin,

Mangmuhna 21:5

Tua nung ciangin tokhom tungah a tu mi in, “En in, na khempeuh ka bawl thak hi,” hong ci hi. Tua tham loin, “Gelh in Hih thute a dikin a man hi,” ci-in thu hong pia hi.