Daniel 10:8 - Tedim Bible

⁸ Kei guak bek hong kinusia ahih manin tua a lamdang mangmuhna keimah guak bek mah in ka mu hi. Ka tha neih teng bei khin a, ka mel kikhel gawp ahih manin ka cimawh hi.

Tedim Bible Revision 2017

⁸ Kei guak bek hong kinusia ahih manin tua a lamdang maangmuhna keimah guak bek mah in ka mu hi. Ka thaneih teng bei khin a, ka mel kikhel gawp ahih manin kei ka hih lam mel kuamah in a hong thei nawn kei uh hi.

Daniel 10:8 Iomraidhean Croise

Piancilna 32:31

A khelpi’ hangin amah bai kawm-in Peniel a kantan lai takin ni hong suak hi.

Paikhiatna 3:3

Moses in, “Bang hangin sawlpang kangtum lo hiam, kei pai-in hih a lamdang ka muh ka va en ding,” ci hi.

Daniel 10:16

Tua ciangin pasal mel tawh a kibang mi khat thakhatin ka mai-ah hong suak-a ka muk a hong lawn’sak hi. Tua ciangin kamka-in thugen dingin ka kisa hi. Ka mai-a dingpa kiangah, “Topa aw, ka mangmuhna in ka tha hong zawsak lua ahih manin ka ci liin a pha thei kei hi.

Daniel 10:17

A Topa mai a ding sila khat tawh ka kibang hi. Bang ci banga thu hong gen thei ding ka hi hiam? Husan’ zawh nading thatang nangawn ka nei kei hi,” ka ci hi.

Daniel 7:28

Hih tangthu a beita hi. Hih thu ka ngaihsut ciangin kei, Daniel ka lau mahmah a, ka meel a daang gawp hi. Ahih hangin hih thu keima lungsim sung bekah ka koih hi.

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Daniel 8:7

Heh lua mahmah ahih manin tua tuutal tuangawp a, a ki tegel a suktan sak hi. Tuutal in a nan’ zawh na’ng thahatna nei lo ahih manin lei kiden’na a, a huh zo ding kuamah a om kei hi.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Mattiu 17:6

A nungzuite in tua thu a zak uh ciangin lau mahmahin a bok uh hi.

Marka 9:6

Bang hangin hih bangin a gen hiam i cih leh, amaute lau mahmah uh ahih ciangin, Piter in a gen ding dang a thei kei hi.

Johan 16:32

En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.

2 KORIN NIHNA 12:7

Ka ngah mangmatnate a lamdan’ mahmah hangin kisaktheihna lungsim ka neih loh nadingin kei hong daantat na’ng Satan’ sawltak ahi, ka pum hong sun ling khat hong pia hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.