Daniel 1:5 - Tedim Bible

⁵ Amaute in kumpi inn sunga nasem dangte mah bangin ni simin an leh leenggahzu tawh vak dingin kumpipa in thu a pia hi. Tua banga kumthum sung sinna a neih khit uh ciangin amaute kumpipa’ mai-ah a kilak kik ding uh ahi hi.

Tedim Bible Revision 2017

⁵ Amaute pen kumpi inn sunga nasem dangte mah bangin nisimin an le leenggahzu tawh a vak dingin kumpipa in thu a pia hi. Tua bangin kum thum sung sinna a neih khit uh ciangin kumpipa mai ah amaute a kilakkik ding uh ahi hi.

Daniel 1:5 Iomraidhean Croise

Piancilna 41:46

Izipt kumpipa Faro’ nasemin a tum ciangin Josef kum sawmthum pha hi. Faro’ omna panin Josef paikhia a, Izipt gamsung khempeuhah pai hi.

1 KUMPI MASATE 10:8

Na zite mi hampha! Nangma mai-ah ding tawntungin na pilna a za hih na nasemte mi hampha!

2 KUMPI NIHNATE 25:30

tua ciangin ama ngah thuap dingin, amah a nuntak sung tawntung ni simin tanh khat, a manman a, ngahthuapna ama tungah kumpipa in pia hi.

2 KHANG TANGTHU NIHNATE 9:7

Na zite mi hampha! Na mai-ah ding tawntungin na pilna a za hih na nasemte mi hampha!

Paunak 23:3

Hong thangsiahna hikha thei ding ahih manin, tua an limte lunggulh lua pah kei in.

Jeremiah 15:19

Tua ahih manin Topa in, “Nong kilehkik leh kong koihna ngei ah kong koih ding a, ka na na semkik ding hi. Thu manpha lo gen loin thu manpha na gen leh, ka kamsang-in kong zang ding hi. Amaute nang kiangah hong pai ding uh a, nang na hih leh amau’ kiangah na pai kei ding hi.

Daniel 1:19

Kumpipa in amaute khempeuh hopih a, Daniel, Hananiah, Mishael leh Azariahte adang teng khempeuh sangin a hoih zawk tuan lam uh a mu hi. Tua ahih ciangin kumpi inn-a vaihawm pawl a suak uh hi.

Daniel 1:8

Daniel in kumpi inn sunga an leh leengahzu tawh a pumpi a thanghuai sak loh nadingin a lungsim a khentat hi. Amah in innsung mang lianpen Ashpenaz kiangah tua bang an a kipiak loh nadingin a ngen zaw hi.

Mattiu 6:11

Tu ni-a ka khamkhop ding uh an hong pia in.

Luka 1:19

vantungmi in, “Keimah in Pasian kiangah a ding Gabriel ka hi hi. Nangmah hopih a, hih lungdamna thu hong zasak dingin hong sawl hi.

Luka 11:3

Ni simin ka khamkhop ding uh an hong pia in;

Luka 21:36

Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.

1 SAMUEL MASA 16:22

Saul in Jessi kiangah mi sawlin, “Keima nasepna-ah David hong omsak in; bang hang hiam cih leh keima muhna-ah amah in maipha mu hi,” ci sak hi.