Daniel 1:4 - Tedim Bible

⁴ Tua mite in kumpi inn sunga nasem siamte a suah theih nadingun a mel hoih, pumpi tung poina neilo, a navak, hoih taka pilna kisinsak, na a thei baih lungsim navakte ngentang ding ahi hi. Ashpenaz in amaute Babilon lai leh pau a hilh ding ahi hi.

Tedim Bible Revision 2017

⁴ Tua mite, kumpi inn sunga nasem siamte a suah theih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

Daniel 1:4 Iomraidhean Croise

Piancilna 41:46

Izipt kumpipa Faro’ nasemin a tum ciangin Josef kum sawmthum pha hi. Faro’ omna panin Josef paikhia a, Izipt gamsung khempeuhah pai hi.

2 SAMUEL NIHNA 14:25

Tu-in Israelte khempeuh sungah a mel hoihna hangin Absalom bangin tua zahin phat ding kuamah om lo hi; a khe nuai-a kipan a lu zang dongin ama tungah pauban’na om lo hi.

Paunak 22:29

Ama nasepna-ah a siam mahmah mi na thei kha hiam? amah in mi mawkmawkte’ na sem lo ding a, kumpite’ na sem ding hi.

Thuhilh-sia 7:19

Khuapi a uk mihing sawm sangin pilna in mi khat hatsak zaw hi.

Isaiah 36:11

Tua ciangin Eliakim, Shebna leh Joah in a ulianpa kiangah, “Kote in thei ngawn ka hih manun na nasemte tungah Aram pau tawh hong gen hoh in; kulh tunga om mite’ zakna-ah Judah pau tawh thu nong gen loh nadingin kong thuum uh hi,” ci uh hi.

Jeremiah 5:15

En un, Israel minamte aw, Topa in kong cih-inah, gamlapi panin note hong sim dingin gam khat kong kuansak ding hi. Tua gam in tanglai peka a om sa, a hat mahmah, amaute’ pau na theih loh uh gam khat ahi hi.

Daniel 2:10

Khongkhai theite in, “Kumpipa aw, na deihna bang a hong gen thei ding hih leitungah mihing khat beek om lo hi. Kumpi gen loh mi lianpen leh mi thupi pen khat beek in aisan theite, mitphial siamte leh khongkhai theite’ tungah tua bang thu a dong ngei kuamah om nailo hi.

Daniel 2:2

Tua ahih ciangin bang mang man’ cih a hilh dingin mitphial siamte, mi bum theite, leh khongkhai siamte a samsak hi.

Daniel 3:8

Tua ciangin Babilon mite pawl khat pai-in Judah mite a hek sim uh hi.

Daniel 4:7

Tua ciangin aisan theite, mitphial siamte, khongkhaitheite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.

Daniel 5:11

Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.

Daniel 5:7

Amah in mitphial siamte, aisan siamte, aksi et siamte va sam pak un ci-in Babilon mipilte kiangah a gen hi. Tua mite a hong tun’ uh ciangin kumpipa in, “Hih laigelh a sim thei, a khiatna a hong gen thei peuhmah kumpi puanpi san silh sakin, minphatna khamkhi a ngawngah ka ok sak ding a, kumpi gam sungah a za lian thumna-in ka koih ding hi,” a ci hi.

Daniel 9:1

Media mi ahi Ahasu-eras’ tapa Darias in Babilon gam teng a uk hi.

Zekhariah 2:4

Tua ciangin vantungmi a masapa in a dawntuahpa kiangah, “Va tai in la, tehna khau a tawi tangvalpa kiangah hih thu va gen in, Jerusalem khua sungah mihing leh ganhing tam mahmah ding ahih manin Jerusalem kulh huam sungah ta zo lo ding uh hi.

Sawltak 7:20

Tua lai takin a meel hoih mahmah Moses suak a, kha thum tawntung a pa inn sungah a kikhoi hi.

Sawltak 7:22

Moses in Izipt mite’ pilna khempeuh sin a, kam tawh nasepna tawh a siam hi.

Efesa 5:27

a nin ban’na om lo, sa tonna om loin, a mel kilawma om pawlpi, Khazih in amahmah a kipiak nading-inah Pasian’ thu tawh tui-ah a sil khit ciangin, siangthosak nadingin tua pawlpi adingin ama pumpi a pia hi.

Thukhente 8:18

Tua ciangin amah in Zebah leh Zalmunna kiangah, “Tabor-ah na thah uh mite koi-ah om ahi hiam?” a ci hi. Amaute in, “Amaute, nangmah bang uh hi; amaute in kumpipa’ tapate suun uh hi,” a ci uh hi.