2 KHANG TANGTHU NIHNATE 2:3 - Tedim Bible

³ Tua ciangin Solomon in Tai-ar kumpi Huram’ kiangah thu puak a: “Teen nading inn khat a lam nadingin ka pa David tungah taamtaak sing na puak mah bangin kei tungah zong hong puak in.

Tedim Bible Revision 2017

³ Tua ciangin Solomon in Taia kumpi Hiram kiangah thu puak a, “Ten nading inn khat a lam nadingin ka pa David tungah taamtak sing na puak mah bangin kei tungah zong hong puak in.

2 KHANG TANGTHU NIHNATE 2:3 Iomraidhean Croise

2 SAMUEL NIHNA 5:11

Tua ciangin Tai-ar kumpipa Hiram in kamtaite leh taamtak singte, leh David adingin inn khat a lamsak khutsiamte leh lei-le-suang innlam siamte zong puak hi.

1 KHANG TANGTHU MASATE 14:1

Tua ciangin Tai-ar kumpipa Hiram in David kiangah kamtaite leh taamtaak singte, ama adingin inn khat a lamsak dingin lei-le-suang inn lam siamte leh khutsiamte zong puak hi.

2 KHANG TANGTHU NIHNATE 13:11

Amaute in Topa’ tungah zing leh nitak simin meihal biaknate leh a namtui nate ahi paknamtui pia a, kham citak sabuai tungah Ompihna Anlum koihin, nitak simin a meivakte a kuan’ nadingin kham meivakkhuamte don uh hi; bang hang hiam cih leh kote in Topa ka Pasian uh hong sawlnate ka zui uh a, ahih hangin note in amah na nusia uh hi.

2 KHANG TANGTHU NIHNATE 24:14

Amaute in a zawh khit uh ciangin, kumpipa leh Jehoiada kiangah sum a om laite hong paipih uh a, amaute in tuate tawh Topa’ biakinn ah nasep nading leh meihal biakna dingin nazatte, leh paknamtui adingin pakante, leh kham leh ngun beelte bawl uh hi. Tua ciangin amaute in Jehoiada’ nuntak sung khempeuh a tawntungin Topa’ biakinn sungah meihal biaknate pia uh hi.

2 KHANG TANGTHU NIHNATE 4:19

Tua ahih ciangin Solomon in Pasian’ inn sunga om na khempeuh a bawlte in: kham biakna tau, Ompihna Anlum adingin sabuaite,

Ezra 6:3

“Kumpi Sairas’ kum khatna kumin Jerusalem khua a, Pasian’ inn tawh kisai-in kumpipa in hih thu pia hi: Biakna kipia-in meihal biakna a kipaipihna munah inn lamsak kik un; a mai panin a san’na tong sawmguk, a vai tong sawmguk mah hi ding a,

Nehemiah 10:34

Tua ciangin thukham sunga a kigelh bangin a kiseh hunin a kum kumin Topa eite’ Pasian’ biakna tau tungah beh a ban banin i Pasian’ inn sungah cih dingin sing a kitut nadingin siampite, Levi mite, leh ko mi vekpite in sing pua ding sehna ai ka saan uh hi.

Paikhiatna 25:30

Keima' mai sabuai tungah Ompihna Anlum na koih tawntung ding hi.

Paikhiatna 29:38

“Tu-in hih in biakna tau tungah na piak ding ahi hi; ni simin a kizomin kum khat a pha tuuno nihta hi ding hi.

Paikhiatna 29:39

Tuuno khat zingsang lamin na pia ding a, adang tuuno khat nitak lamin na pia ding hi;

Paikhiatna 29:41

Tuuno a dang khat nitakin na pia ding a, zingsang-a mah bangin a gim namtui ding, Topa’ tungah mei tawh kihal biakna-in an tawh biakna leh tuibuah tawh na pia ding hi.

Paikhiatna 30:7

Aaron in tua tungah a namtui paknamtui hal ding hi; amah in zingsang simin meivakte a puah ciangin hal ding hi,

Siampi Laibu 23:2

“Israel mite tungah hih bangin gen in: Note in a siangtho biak kikhopnate hi ci-a na gen ding uh a kiseh Topa’ pawi ahi a kiseh keima pawite in hihte ahi hi.

Siampi Laibu 9:17

Amah in zingsang meihal biakna banah an tawh biakna paipihin, tua sung panin a khut dim la-in, biakna tau tungah hal hi.

Gamlak-vakna 28:11

“Kha simin a ni masa ni-in Topa tungah meihal biakna na pia ding uh hi: bawngtalno nih, tuutal khat; a sit bang lo kum khat a pha tuuno a pa sagih hi ding hi;

Gamlak-vakna 28:9

“Sabbath ni-in a sit bang lo kum khat a pha tuuno nih leh an tawh biakna-in sathau tawh a kibawl annel seu khat sehsawm suah sehnih leh a leenggahzu tawh biakna hi ding hi: