Ruth 4:5 - Ti Biblia (1973)

⁵ Idin ni Booz kinunana, Iti met laeng aldaw a pananggatangmo iti talon iti ima ni Noemi, sica rebbengmo met a gatangen ni Ruth a Moabita, nga asawa daydi natay, tapno ibangonmo coma ti nagan daydi natay iti rabaw ti tawidna.

Ti Baro a Naimbag a Damag Biblia

⁵ “Ngarud, no gatangem ti talon ken ni Noemi,” kinuna ni Boaz, “asawaem met ni Ruth, ti balo a taga-Moab, tapno agtalinaed ti talon a kukua ti familia daydi natay a kabagianta.”

Ruth 4:5 Iomraidhean Croise

Genesis 38:8

Ket ni Juda kinunana ken Onan, Sumrecca iti asawa ni cabsatmo tapno aramidem kencuana ti annong ti cabsat ti asawa a lalaki, ket parnuayem ti putot ken cabsatmo a lalaki.

San Mateo 22:24

A cuncunada: Mannursuro, ni Moises kinunana: No ti maysa a lalaki matay nga awan putotna, asawaento ti cabsatna ti asawa a babai daydi, ket iputotanna ni cabsatna iti sunona.

San Lucas 20:28

A cuncuna: Mannursuro, ni Moises imbatiannacami ti surat a no ti cabsat a lalaki nga adda asawana matay, ngem awan putotna, ti cabsat daydi asawaenna coma ti balo, ket iputotanna ti sumuno ken cabsatna.

Deuteronomio 25:7

No ti lalaki dina cayat nga alaen ti asawa daydi cabsatna, ti asawa daydi cabsatna ngarud dumanonto iti ruangan cadagiti lallacay ket cunananto, Ti cabsat ni asawac paglisianna a bangonen a maipaay ken cabsatna ti maysa a nagan iti Israel; dina cayat nga aramiden caniac ti annong ti maysa a cabsat ti asawa a lalaki.