Ruth 4:10 - Ti Biblia (1973)

¹⁰ Casta met ni Ruth a Moabita, nga asawa ni Mahalon, ginatangco tapno isu asawac, tapno bangonec ti nagan daydi natay iti rabaw ti tawidna, tapno ti nagan daydi natay saan coma a maiccat iti tengnga dagiti cacabsatna, ken iti ruangan ti lugarna: dacayo dagiti macasacsi iti daytoy nga aldaw.

Ti Baro a Naimbag a Damag Biblia

¹⁰ Maysa pay, asawaek ni Ruth a Moabita, ti asawa daydi Mahalon, tapno agtalinaed ti sanikua iti familia daydi natay. Iti kasta, saan a mapukaw ti kaputotanna kadagiti tattaona ken iti pagilianna. Dakayo ti saksi iti daytoy ita nga aldaw.”

Ruth 4:10 Iomraidhean Croise

Genesis 29:27

Panungpalem pay ti daytoy a lawasna, ket sa itedminto pay ni Raquel kenca, nga iserviam manen caniac iti sabali a pito a tawen.

Genesis 38:9

Ket ni Onan inammona a ti putot saan coma a maipaay kencuana; ket naaramid nga idi dinennaanna ti asawa ti cabsatna a lalaki, isu imbocbocna iti daga, di la ket ta macaited iti maipaanac ken cabsatna.

Dagiti Salmo 109:15

Addada coma a cancanayon iti saclan ni Jehova, tapno gudasenna ti pacalaglagipan cadacuada ditoy daga;

Dagiti Salmo 34:16

Ti rupa ni Jehova maibusor cadagiti agaramid iti dakes, tapno gupdenna ti pacalaglagipan cadacuada ditoy daga.

Dagiti Proverbio 18:22

Siasinoman a macasarac iti asawa a babai macasarac iti naimbag a banag, ken magun-odna ti parabur ni Jehova.

Dagiti Proverbio 19:14

Balay ken kinabacnang tawiden ida cadagiti amma; ngem ti manakem a babai nga asawa aggapu ken ni Jehova.

Isaias 48:19

Ti bin-im cas met la coma darat, ken ti putot ti tianmo casda la coma iti caadu ti darat; ti nagana saan coma a makeltay di-met mapucaw iti sangoanac.

Oseas 12:12

Ket ni Jacob nagtalaw a napan iti daga ti Aram, ket nagservi ni Israel maipuon iti asawa, ket maipuon iti nagpaspastor.

Oseas 3:2

Gimmatangac ngarud iti asawa a maipaay caniac iti sangapulo ket lima a capisi ti pirac, ken maysa nga homer ti cebada ken cagudua nga homer ti cebada;

Zacarias 13:2

Ket maaramidto iti daydiay nga aldaw, cuna ni Jehova dagiti buybuyot, a dadaelecto dagiti nagnagan dagiti didiosen iti daga, ket isuda saandanto a malaglagipen; ket papanawecto met dagiti mammadles ken ti narugit nga espiritu iti daga.

Malakias 2:14

Nupay casta cunaenyo, Apay? Ta ni Jehova isu idi ti sacsi kenca ken iti asawa ti kinaagtutubom, isu a liniputam nupay isu caduam, ken asawa ti tulagmo.

Taga-Efeso 5:25

Lallaki, ayatenyo dagiti assawayo, a cas met iti panagayat ni Cristo iti Iglesia, ket inyawatna ti bagina gapu kencuana;

Deuteronomio 25:6

Ket maaramidto a ti inauna a lalaki nga ipasngayna, sumononto iti nagan daydi cabsatna a natay, tapno di mapucaw ti naganna iti Israel.

Hebreo 13:4

Ti panagasawa nadayaw coma cadagiti isu-amin, ket ti pagiddaan awan coma ti tulawna; ta ti Dios ocomennanto dagiti mannakiabig ken dagiti mannakicamalala.

Josue 7:9

Ta dagiti Cananeo ken isu-amin nga agnaed iti daga isu ti madamagdanto, ket alicubcubendacamto, ket iccatendanto ti naganmi iti daga: ket ania ti aramidemto a maipaay iti naindaclan a naganmo?

Ruth 4:9

Ket ni Booz kinunana cadagiti lallacay, ken iti amin a tattao, Dacayo ti macasacsi iti daytoy nga aldaw, a ginatangco amin a cucua idi ni Elimelec, ken amin nga adda idi ken ni Quelion ken ni Mahalon, manipud iti ima ni Noemi.