Ruth 3:2 - Ti Biblia (1973)

² Ket ita saan nga isu ti cabagianta ni Booz, a dagiti tagabuna a babbalasang sica nakiaddaca? Adtoy, isu agpataep iti daytoy a rabii iti cebada idiay pagtaltagan.

Ti Baro a Naimbag a Damag Biblia

² Laglagipem a kabagianta ni Boaz. Isu ti among dagidi babbai a kinaduam a nagani iti talonna. Denggem ti ibagak. Agpairik ni Boaz iti sebada inton rabii.

Ruth 3:2 Iomraidhean Croise

Genesis 50:10

Ket nacagtengda agingga iti pagtaltagan idiay Atad, nga adda iti casumbangir ti Jordan, ket sadiay nagdung-awda iti dackel unay ken napalalo a panagdung-aw: ket inaramidna ti maysa a panangdung-aw ken amana cadagiti pito nga aldaw.

Ruth 2:1

Ni Noemi addaan idi iti maysa a cabagian ni asawana, lalaki a mannacabalin ken masanicua, ti familia ni Elimelec; ket ti naganna Booz.

Ruth 2:8

Idin ni Booz kinunana ken Ruth, Dica denggen, anacco? dica mapan agadas iti sabali a talon, dica coma lumabas manipud ditoy, no di ket agyanca ditoy a canayon iti sibay dagiti tagabuc a babbalasang.

Ruth 3:1

Ket ni Noemi a catuganganna kinunana kencuana, Anacco, diacto agsapul ti inana nga agpaay kenca, tapno naimbag coma kenca?

Ruth 3:3

Gapuna agdigosca, ken aglanaca ala, ken icabilmo kenca dagiti cawesmo, ket sumalagca iti pagtaltagan; ngem dicanto agpadlaw iti lalaki, agingga iti calpasan ti pannangan ken iyiinumna.