Ruth 2:3 - Ti Biblia (1973)

³ Ket isu napan, ket dimteng, ket nagadas iti talon iti licudan dagiti agani: ket ti gasatna naibatog iti paset ti talon a cucua ni Booz, a cafamiliaan ni Elimelec.

Ti Baro a Naimbag a Damag Biblia

³ Iti kasta, napan ni Ruth iti taltalon, ket nagtudtod kadagiti dawa a malabsan dagiti agan-ani. Nairana nga iti talon ni Boaz a kabagian ni Elimelec ti napananna.

Ruth 2:3 Iomraidhean Croise

2 Samuel 1:6

Ket ti agtutubo a lalaki a nagsarita kencuana kinunana, Idi a siac naisar-ongac iti tapaw ti bantay Gilboa, adtoy, ni Saul adda idi a sisasadag iti rabaw ti gayangna; ket, adtoy, dagiti luglugan ken tattao a nagcacabayo simmurotda a siiinget kencuana.

2 Samuel 20:1

Ket napasamac nga adda idi sadiay ti maysa a tao a nadangkes a ti naganna Seba, nga anac a lalaki ni Bicri, a maysa a Benjamita: ket pinagunina ti tangguyob, a kinunana, Datayo awan ti biangtayo ken David, uray tawid awanantayo iti anac ni Isai. O Israel tunggal lalaki agturong iti toldana.

2 Ar-ari 8:5

Ket naaramid, idi a sarsaritaenna iti ari no casano ti panangpaungarna iti daydi a natay, nga, adtoy, ti babai, isu a ti anacna pinagungarna idi, nagasug iti ari a gapu iti balayna, ken gapu iti dagana. Ket ni Giezi kinunana, O ari nga apoc, daytoy isu ti babai, ket daytoy isu ti anacna, isu a pinagungar ni Eliseo.

San Mateo 10:29

Saan a malaco aya ti dua a billit tuleng iti maysa a centavo? Ket uray maysa cadacuada saan a matnag iti daga no saan nga ipalubos ni Amayo.

San Lucas 10:31

Ket nairana a simmalog ti maysa a padi idiay a dalan, ket idi a makitana, limmabas a liniclicanna.

2 Taga-Tesalonica 3:12

Cadagita a tao, ngarud, ibilinmi cadacuada ken bagbagaanmi ida gapu ken Apo Jesu-Cristo, nga agtrabajoda a sitatalna ket canenda ti tinapayda met laeng.

Ruth 2:2

Ket ni Ruth a Moabita kinunana idi ken Noemi, Palubosannac coma ita a mapan iti away, ket agadasac cadagiti dawdawa ti trigo iti malicudan daydiay a cadagiti matana macasaracac coma iti parabur. Ket isu kinunana kencuana, Anacco, inca.

Ruth 2:4

Ket, adtoy, ni Booz a naggapu iti Bet-lehem, ket kinunana cadagiti agan-ani, Ni Jehova adda coma cadacayo. Ket isuda simmungbatda kencuana, Ni Jehova bendicionannaca coma.