Ruth 2:12 - Ti Biblia (1973)

¹² Ni Jehova gungunaanna coma ta aramidmo, ket ti maysa a napnec a gunguna maited kenca nga aggapu ken Jehova, a Dios ti Israel, nga iti baba dagiti pay-payacna immayca nga agcamang.

Ti Baro a Naimbag a Damag Biblia

¹² Gunggonaannaka koma ti Apo gapu iti inaramidmo. Wen, naan-anay koma ti gunggonam nga ited ti Apo a Dios ti Israel, isu a nagkamangam!”

Ruth 2:12 Iomraidhean Croise

Dagiti Salmo 17:8

Iyalluadnac cadi a cas iti taotao ta matam; ilemmengnac iti baba ti salinung dagiti payacmo,

Dagiti Salmo 19:11

Maysa pay, cadacuada mabagbagaan ti adipenmo: iti panangsalimetmet cadacuada adda dackel a gunguna.

Dagiti Salmo 36:7

Amangan a nagpateg ti kinamanagayatmo, O Dios! Ket dagiti annac dagiti tattao agcamangda iti salinong dagita payacmo,

Dagiti Salmo 57:1

Caasiannac, O Dios, mangngaasica cadi caniac; ta ti cararwac agsalindeg kenca: wen, iti salinong dagiti payacmo agcamangacto, inggana iti mapalabas dagitoy a pacarigatan.

Dagiti Salmo 58:11

Tapno iti casta dagiti tattao cunaendanto, pudno nga adda gunguna cadagiti nalinteg: pudno nga adda Dios a mangocom ditoy daga.

Dagiti Salmo 61:4

Agtaengacto nga agnanayon iti tabernaculom: agcamangacto iti salucob dagiti payacmo. (Selah)

Dagiti Salmo 63:7

Ta sican ti saranayco, ket iti salinong dagiti payacmo agragrag-oacto.

Dagiti Salmo 91:4

Salucobannacanto cadagiti pawisna, ket iti salinong dagiti payacna agcamangcanto: ti calasag ken sangga isu ti kinapudnona.

Dagiti Proverbio 11:18

Ti nadangkes magungunana dagiti macaallilaw a supapac; ngem ti agmula iti kinalinteg aglac-am ti napaypayso a gunguna.

Dagiti Proverbio 23:18

Ta di bumurong nga addanto gunguna; ket ti inanamam saanto a matungday.

Jeremias 31:16

Castoy ti cuna ni Jehova: Medmedam dayta timecmo iti panagsangit, ken dagita matam cadagiti luluam; ta dayta aramidmo magungunaanto, cuna ni Jehova, ket umaydanto manen manipud iti daga ti cabusor.

San Mateo 23:37

O Jerusalem, Jerusalem a mamapatay cadagiti mammadto, ken mangubor cadagiti maibaon kenca! Naminano a kinayatco nga urnongen coma dagiti annacmo, a cas iti maysa nga upa urnongenna dagiti piecna iti siroc dagiti payacna, ket dica kinayat!

San Mateo 5:12

Agragsaccayo ken agrag-ocayo la unay; ta ti gonggonayo dackel sadi langit: ta casta met ti panangidadanesda cadagidi mammadto a nagbiag nga immununa ngem dacayo.

San Mateo 6:1

Agannadcayo ta saancayo nga agaramid iti kinalintegyo iti sangoanan dagiti tao, tapno pagpasindayawyo: ta no saan, awan ti gungunayo ken Amayo nga adda sadi langit.

San Lucas 6:35

Ngem ayatenyo dagiti cabusoryo; ket agaramidcay ti naimbag, ket agpabulodcayo a di mangnamnama a pulos ket dackelto ti gonggonayo, ket annacnacayonto ti Cangatoan: ta isu manangngaasi uray pay cadagiti managinlilipat ken managdacdakes.

Taga-Colosas 2:18

Dicay coma papucaw ti gungunayo, babaen ti siasinoman nga aginpapacumbaba ken gapu iti panagrucbab cadagiti angel; nga agtalged cadagiti banbanag a nakitana, a sipapalangguad gapu iti panunutna a linalasag,

2 Timoteo 1:18

(Ti Apo ipaayna coma kencuana a masaracanna ti caasina, iti daydiay nga aldaw.) Ket ti caadu ti panagservina caniac idiay Efeso, ammom unay.

2 Timoteo 4:8

Manipud ita naisagana a maipaay caniac ti balangat ti kinalinteg, nga itedto caniac ti Apo, ti nalinteg nga Ocom, iti daydiay nga aldaw; ket saan laeng a caniac, no di cadagiti isu-amin nga agayat iti panagparangna.

Hebreo 11:26

A pinagarupna a dacdackel a kinabacnang ti pannacaumsi ken Cristo, ngem dagiti kinabacnang ti Egipto; ta kitkitaenna idi ti gunguna.

Hebreo 11:6

Ngem no awan ti pammati, saan a mabalin nga ay-aywen ta masapul a ti umadani iti Dios, patienna coma nga adda ket gungunaanna dagiti mangsapul kencuana.

Hebreo 6:10

Ta saan a nakil-lo ti Dios, tapno lipatenna ti aramidyo, ken ti ayat nga impakitayo iti naganna, gapu iti panangtulongyo cadagiti sasanto cadagiti pacasapsapulanda, ken iti panangtultulongyo pay ita cadacuada.

Ruth 1:16

Ket ni Ruth kinunana, Dica coma tarigagayan caniac a baybay-anca, ken agsubliac manipud iti isusurot kenca; ta sadinoman a papanam, umayacto; sadinoman a pagnaedam, agnanedacto, ti ilim isunto ti ilic, ket ti Diosmo isunto ti Diosco;

Ruth 2:11

Ket ni Booz simmungbat ket kinunana kencuana, Naipacaammo a naimbag caniac, amin daydi nga inaramidmo ken catugangam nanipud iti pannacatay daydi asawam; ken no casano ti panangbaybay-am ken ni amam ken ni inam, ken iti daga a nacayanacam, nga immayca iti ili a dica amammo idi.

Ruth 2:13

Ket ni Ruth kinunana, Palubosannac coma, apoc, a macasarac iti parabur iti imatangmo; gapu ta liniwliwanac, ken gapu ta nagsaoca a siimbag iti adipenmo a babai, nupay siac saanac a cas iti maysa la coma cadagiti babbalasang a tagabum.

Ruth 4:15

Ket isunto kenca ti maysa a mamaimbag iti biagmo, ken isunto ti manaraon iti kinabaketmo; ta ti manugangmo, nga agayat kenca, nga isu ti naimimbag kenca ngem cadagiti pito nga annac a lallaki, nangipasngay kencuana.

1 Samuel 24:19

Ta no maysa a lalaki masaracanna ti cabusorna, isu bay-annanto a pumanaw? gapuna a ni Jehova supapacannaca coma iti imbag gapu iti daydiay nga inaramidmo caniac ita nga aldaw.

1 Samuel 24:20

Ket ita, adtoy, maammoac nga agaricanto a di bumorong, ken ti pagarian ti Israel mapasingkedanto ita imam.