Paltiing 9:7 - Ti Biblia (1973)

⁷ Ket ti langa dagiti dudon umas-aspingda cadagiti cabayo a maisagana iti gubat; ket iti rabaw dagidi ol-oloda adda sinan balangat a cas la balitoc; ket dagidi ruprupada cas la ruprupa dagiti tattao.

Ti Baro a Naimbag a Damag Biblia

⁷ Kasla kabalio a nakasagana a makigubat dagiti dudon. Adda kasla korona a balitok iti uloda. Kasda la agruprupa a tao,

Paltiing 9:7 Iomraidhean Croise

Daniel 7:4

Ti umuna cas la leon ket addaan paypayac ti aguila: siac kinitkitac agingga a dagidi payacna naparparutda, ket naipangato a naggapu iti daga, ket napatacder cadagiti dua a sacsaca a cas maysa a tao; ket isu naiccan iti puso ti tao.

Daniel 7:8

Minatmatac dagiti sara, ket adtoy, a rimmusing cadacuada ti sabali a sara, maysa a bassit a sara, ket iti sangoananna tallo cadagati immuna a sarsara naparutda cadagiti ramramutda: ket adtoy, iti daytoy a sara adda idi matmata a cas cadagiti mata ti tao, ken maysa a ngiwat nga agsasao cadagiti dadackel a banbanag.

Nahum 3:17

Dagiti piprincipem casda la dudon, ket dagiti panguloem cacasda la pangen ti lucton nga agpacarso cadagiti dardarecdec iti aldaw a nalam-ec, ngem no ti init sumingising agtalawda, ket ti dissoda saan a malasin no sadino ti yanda.

Paltiing 6:2

Ket kimmitaac, ket adtoy, ti maysa a cabayo a puraw; ket daydi adda a sisasacay kencuana, adda idi maysa a bai ti panana, ket naited kencuana ti maysa a balangat; ket rimmuar a sibabal-ligi, ken tapno agbal-ligi.

Paltiing 9:3

Ket rimmuar iti asuc dagiti dudon iti rabaw ti daga; ket naiccanda ti pannacabalin, a cas ti pannacabalin dagiti manggagama ti daga.