Paltiing 9:6 - Ti Biblia (1973)

⁶ Ket cadagidiay nga al-aldaw dagiti tattao birukendanto ni patay, ket isu didanto masaracan; ket tarigagayandanto ti natay, ket ni patay itarayannanto ida.

Ti Baro a Naimbag a Damag Biblia

⁶ Kabayatan dagita nga aldaw, sapulento dagiti tattao ti patay ngem didanto masarakan. Kayatdanto ti matay ngem itarayanto ida ni patay.

Paltiing 9:6 Iomraidhean Croise

2 Samuel 1:9

Ket isu kinunana caniac, Agdawatac kenca agtacderca iti dennac, ket papatayennac; ta ti panagsennaay immapay caniac, ta ti biagco adda pay la amin caniac.

Isaias 2:19

Ket dagiti tattao sumrecdanto cadagiti rukib dagiti batbato, ken iti uneg dagiti abut ti daga, manipud iti sangoanan ti pangkigtot ni Jehova, ken manipud iti dayag ti kinadaegna, intono tumacder a simamannacabalin a manggungon iti daga.

Jeremias 8:3

Ket ti patay mapilinto a nangnangrona ngem ti biag cadagiti amin a tidda a mabati iti daytoy dakes a capuonan, a mabati cadagiti amin a disso a namagtalawac cadacuada, cuna ni Jehova dagiti buybuyot.

Oseas 10:8

Dagiti met nangato a disso ti Aven, ti basol ti Israel, madadaeldanto; ti siit ken casumba tumubodanto iti rabaw dagiti altarda; ket cunadanto cadagiti banbantay, gaburandacami; ket cadagiti turturod, Agtinnagcayo cadacami.

San Lucas 23:30

Iti dayta rugiandanto ti agsao cadagiti banbantay: Agtinnagcayo cadacami: ket cadagiti turod: Gaburandacami.

Paltiing 6:16

Ket kinunada cadagiti banbantay ken cadagiti batbato: Agtinnagcayo cadacami, ket ilemmengdacami iti imatang daydiay agtutugaw iti trono, ken iti pungtot daydiay Cordero.