Paltiing 9:4 - Ti Biblia (1973)

⁴ Ket naibaga cadacuada a dida coma ranggasan ti root ti daga wenno aniaman a nalangto ken uray ania a cayo, no di laeng dagidiay tattao nga awanan ti sello ti Dios, cadagiti mugmugingda.

Ti Baro a Naimbag a Damag Biblia

⁴ Nabilinda a dida dadaelen dagiti ruot wenno dagiti kayo wenno uray ania a mula. Dagiti laeng tattao nga awan marka ti timbre ti Dios iti mugingda ti ranggasanda.

Paltiing 9:4 Iomraidhean Croise

Ti Libro ni Job 1:10

Dica aya nangaramid iti maysa nga alad iti aglicmut kencuana, ken aglicmut iti balayna, ken aglicmut ti amin a cupicupanna, iti tunggal sikigan? binendicionam, ti aramid dagiti imana, ket ti cucuana immaduda idiay daga.

Ti Libro ni Job 1:12

Ket ni Jehova kinunana ken Satanas, Adtoy, amin a cupicupanna adda ita pannacabalinmo; isuna laeng a dica icabil ta imam kencuana met laeng. Iti casta ni Satanas rimmuar a naggapu iti saclang ni Jehova.

Ti Libro ni Job 2:6

Ket ni Jehova kinunana ken Satanas, Adtoy, isu adda ita imam; isuna laeng nga aywanam ti biagna.

Dagiti Salmo 76:10

Pudno a ti pungtot ti tao pacaidayawamto: ti tidda ti pungtot pagbarikesmonto.

Exodo 12:23

Ta ni Jehova agsursurto a manaplit cadagiti Egipcios; ket ti pannacakitananto iti dara nga adda iti ngato ti ruangan ken cadagiti agsumbangir a baotec, ni Jehova labsannanto dayta nga ruangan, ket dinanto ipalubos a sumrec ti agpapatay a mangcabil cadacayo cadagiti balbalayyo.

Ezekiel 9:4

Ket ni Jehova kinunana kencuana, Lumabasca iti tengnga ti ili, iti nagtengngaan ti Jerusalem, ket iccam ti tanda ti muging dagiti lallaki nga agsaibbec ken agsangit gapu cadagiti amin a kinarimon a maar-aramid iti nagtengngaanna.

Ezekiel 9:6

Papatayenyo nga ikisap dagiti lallacay, babbaro ken babbalasang, ububbing ken babbai; ngem dicayto asitgan ti siasinoman a tao nga adda tandana: ket mangrugicayo idiay santuarioc. Idin rinugianda cadagiti lallacay nga adda iti sango ti balay.

San Mateo 24:24

Ta tumacderdanto dagiti saan a pudno a Cristo, ken dagiti saan a pudno a mammadto, ket mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

Taga-Efeso 4:30

Ket dicay pagleddaangen ti Espiritu Santo ti Dios, isu a pacamarcaanyo a naisagana iti aldaw ti pannacasubbot.

Paltiing 14:1

Ket kimmitaac, ket adtoy ti Cordero agtatacder iti rabaw ti bantay Sion, ket naicuyogda kencuana dagiti sangagasut uppat a pulo ket uppat a ribo, nga addaan iti naganna ken ti nagan ni Amana, a naisurat cadagiti mugmugingda.

Paltiing 6:6

Ket nangngegco ti casla maysa a timec iti tengnga dagidi uppat a parsua a sibibiag, a nagcuna: Maysa a casucat ti trigo mapatgan iti maysa a denario ket tal-lo a casucat ti cebada mapatgan iti maysa a denario; ken: Saanmo a dadaelen ti lana ken ti arac.

Paltiing 7:1

Ket calpasan daytoy, nacakitaac cadagiti uppat nga angel nga agtatacder cadagiti uppat a suli ti daga, a laplappedanda dagiti uppat nga angin ditoy daga, tapno awan ti angin nga agpuyupoy iti rabaw ti daga, wenno iti rabaw ti baybay wenno iti aniaman a cayo.

Paltiing 8:7

Ket daydi immuna nagtangguyob; ket timmaud ti uraro ken apuy a nalaocan iti dara; ket naibellengda iti rabaw ti daga; ket daydi apagcatlo ti daga napuuran, ket daydi apagcatlo dagidi caycayo napuuran, ket amin dagiti nalangto a root napuuranda.