Paltiing 9:3 - Ti Biblia (1973)

³ Ket rimmuar iti asuc dagiti dudon iti rabaw ti daga; ket naiccanda ti pannacabalin, a cas ti pannacabalin dagiti manggagama ti daga.

Ti Baro a Naimbag a Damag Biblia

³ Manipud iti asuk, nagruar dagiti dudon ket nagdissoda iti daga. Naikkanda iti pannakabalin a mannilud a kas iti pannakabalin a naited kadagiti manggagama.

Paltiing 9:3 Iomraidhean Croise

1 Ar-ari 12:11

Ket nupay no ni amac pinarabawannacayo iti maysa a nadagsen a sangol, siac nayonacto ti sangolyo: ni amac sinaplitnacayo cadagiti pagbaot, ngem saplitencayto cadagiti manggagama.

2 Cronicas 10:11

Ket nupay ni amac pinarabawannacayo iti maysa a nadagsen a sangol, siac nayonacto ti sangolyo; ni amac sinaplitnacayo cadagiti pagbaot, ngem saplitencayto cadagiti manggagama.

2 Cronicas 10:14

Ket sinaona cadacuada ti cas ti patigmaan dagiti agtutubo a lallaki, a kinunana, Ni amac inaramidna ti sangolyo a nadagsen, ngem siac nayonacto ti sangolyo: ni amac sinaplitnacayo cadagiti pagbaot, ngem siac saplitencayto cadagiti manggagama.

Isaias 33:4

Ket dagiti samsamyo maurnongdanto a cas ti panagguornong ti arabas: cas ti panaglagto dagiti lucton ti panaglagtonto dagiti tattao kencuana.

Ezekiel 2:6

Ket sica, anac ti tao; dica agbuteng cadacuada, wenno agamac cadagiti sasaoda, uray pay calcalunay ken cascasumba addada coma kenca, ket agnaedca iti nagtengngaan dagiti manggagama: dica mabuteng cadagiti sasaoda, wenno agcullayaw iti panangkitada, nupay isuda nasukirda a balay.

Joel 1:4

Iti natidda ti lucton kinnan ti dudon; ket ti tidda ti dudon kinnan ti lucton; ket ti nabati ti lucton kinnan ti arabas ket ti tidda ti arabas kinnan ti dangaw.

Joel 2:25

Ket supapacacto cadacayo dagiti tawtawen a kinnan ti dudon, lucton, ken ti arabas, ken ti dangaw, ti dackel a buyotco nga imbaonco cadacayo.

Nahum 3:15

Idiay ikisapnacanto ti apuy; ti campilan dadaelennacanto; manglamutto kenca cas la iti lucton; umaduca ala a cas iti lucton; umaduca a cas iti dudon.

Nahum 3:17

Dagiti piprincipem casda la dudon, ket dagiti panguloem cacasda la pangen ti lucton nga agpacarso cadagiti dardarecdec iti aldaw a nalam-ec, ngem no ti init sumingising agtalawda, ket ti dissoda saan a malasin no sadino ti yanda.

San Lucas 10:19

Adtoy iniccancayo ti pannacabalin a pumayat cadagiti ul-uleg ken manggagama ken iti amin a pannacabalin ti cabusor; ket awanto ti manganano cadacayo.

Deuteronomio 8:15

Ken nangilasat kenca iti dackel ken nacabutbuteng a tay-ac, a yan idi dagiti immapuy nga ul-uleg ken manggagama, ken naticag a daga nga awanan danum idi, nga inruarannaca ti danum idi pamulinawen:

Paltiing 9:5

Ket naibaga cadacuada a saanda a papatayen ida no di ket tutuokenda ida bayat ti lima a bulan; ket ti pannacatutuocda cas la iti tuoc a patauden idi ti manggagama no siludenna ti tao.

Paltiing 9:7

Ket ti langa dagiti dudon umas-aspingda cadagiti cabayo a maisagana iti gubat; ket iti rabaw dagidi ol-oloda adda sinan balangat a cas la balitoc; ket dagidi ruprupada cas la ruprupa dagiti tattao.

Uk-ukom 7:12

Ket dagiti Madianitas ken Amalecitas, ken amin dagiti annac a taga daya addada idi a naiwaras idiay lobong a casda la duddudon iti caaduda; ket dagiti camcamelloda saan a mabilang, a casda la dardarat iti igid ti baybay iti caaduda.