Paltiing 8:7 - Ti Biblia (1973)

⁷ Ket daydi immuna nagtangguyob; ket timmaud ti uraro ken apuy a nalaocan iti dara; ket naibellengda iti rabaw ti daga; ket daydi apagcatlo ti daga napuuran, ket daydi apagcatlo dagidi caycayo napuuran, ket amin dagiti nalangto a root napuuranda.

Ti Baro a Naimbag a Damag Biblia

⁷ Pinuyot ti umuna nga anghel ti trumpetana. Nagtudo iti yelo ken apuy a nalaokan iti dara. Napuoran ti apagkatlo a paset ti daga, ti apagkatlo dagiti amin a kaykayo ken dagiti amin a nalangto a ruot.

Paltiing 8:7 Iomraidhean Croise

Dagiti Salmo 105:32

Intedna cadacuada ti uraro a pannacatudoda, ken gumilgil-ayab nga apuy iti dagada.

Exodo 9:33

Ket ni Moises pimmanaw iti ili a simmina ken Faraon ket intayagna dagiti imana ken Jehova: ket nagsardengda dagiti gurrood ken ti uraro, ket ti tudo di met agtinnagen iti daga.

Isaias 28:2

Adtoy, ti Apo addaan maysa a mannacabalin ken napigsa; cas maysa a bagio ti uraro, maysa a bagio a mangracrac, cas iti layus dagiti dandanum a napegges nga aglippias, castanto ti panangigarangugongna iti daga babaen iti imana.

Isaias 29:6

Isu sarungcaranto ni Jehova dagiti buybuyot a buyogan dagiti gurrood, ken gingined, ken dackel a daranudor, cadagiti alawig ken bagio, ken ti darang ti mangrunaw nga apuy.

Isaias 30:30

Ket ni Jehova ipangngegnanto ti nagloriaan a timecna, ket ipakitananto ti kimat iti baba ti tackiagna, iti kinarungsot ti pungtotna, ken ti darang ti maysa a mangrunaw nga apuy, iti maysa a daranudor ken bagio, ken uraro.

Isaias 32:19

Ngem aguraronto iti pannacarba ti bakir; ket ti ili maipababanto a matalipupus.

Ezekiel 38:22

Ket babaen ti angol ken dara isu ocomecto; ket patudoecto iti rabawna, ken cadagiti adu a bonggoyna, ken cadagiti adu nga il-ili nga adda kencuana, ti manglayus a tudo, ken dadackel nga uraro, apuy, ken azufre.

Joel 2:30

Ket iparangconto dagiti pagsidsiddaawan cadagiti langlangit ken iti daga: dara, ken apuy, ken monmonmon nga asuc.

Santiago 1:11

Ta lumgac ti init agraman angin a nabara ket magango ti root, ket agtinnag ti sabongna, ket ti napintas a buyana manasanas: casta met ti nabacnang makeltayto cadagiti isu-amin a turturongenna.

Josue 10:11

Ket naaramid, idi agtalawda manipud sangoanan ti Israel, idi addada iti salogan idiay Bet-horon, a ni Jehova tininnaganna ida cadagiti batbato a dadackel nanipud langit, cadacuada aginggana iti Azeca, ket natayda: ad-adu dagidiay napapatay cadagiti batbato nga uraro ngem dagidiay pinapatay dagiti annac ti Israel iti campilan.

1 Pedro 1:24

Ta isu-amin a lasag cas la root Ket ti amin a dayagna cas la iti sabong ti root; Ti root magango, ket ti sabong agtinnag:

Paltiing 12:4

Ket ti ipusna guyudenna ti apagcatlo dagiti bitbituen sadi langit ket imbacalna ida iti daga: ket daydi dragon adda iti sangoanan daydi babai a nganngani aganac, tapno alun-unenna daydi anacna inton maipasngay.

Paltiing 16:2

Ket rimmuar daydi umuna, ken imbuyatna daydi malocongna iti daga; ket nagbalin a derder a nacaar-ariec ken nasaem cadagidi tattao nga addaan iti marca daydi animal, ken nagrucbab idi ladawanna.

Paltiing 16:21

Ket nagtinnag cadagiti tattao manipud langit dagiti dadackel nga uraro a cas ti cadagsen ti maysa a talento: ket dagiti tattao tinabbaawanda ti Dios gapu iti pannaplit nga uraro; ta daydi a pannaplitna a dackel unay.

Paltiing 6:8

Ket kimmitaac, ket adtoy, ti maysa a cabayo a nabessag, ket daydi adda a nagsacay kencuana managan idi ti Patay; ket ti Hades sumursurot kencuana. Ket naited cadagitoy ti panagturay iti apagcapat ti daga, tapno agpapatayda babaen ti campilan, ken ti bisin, ti angel ken cadagiti narungsot nga animal ditoy daga.

Paltiing 7:1

Ket calpasan daytoy, nacakitaac cadagiti uppat nga angel nga agtatacder cadagiti uppat a suli ti daga, a laplappedanda dagiti uppat nga angin ditoy daga, tapno awan ti angin nga agpuyupoy iti rabaw ti daga, wenno iti rabaw ti baybay wenno iti aniaman a cayo.

Paltiing 9:15

Ket naluc-atan dagidi uppat nga angel, isuda a naisagana iti horas, ken aldaw, ken bulan, ken tawen tapno papatayenda ti apagcatlo dagiti tattao.

Paltiing 9:18

Gapu cadagitoy tal-lo a pannaplit napapatay ti apagcatlo dagidi tattao, babaen ti apuy ken azuc ken azufre a rimmuar cadagidi ngiwatda.

Paltiing 9:4

Ket naibaga cadacuada a dida coma ranggasan ti root ti daga wenno aniaman a nalangto ken uray ania a cayo, no di laeng dagidiay tattao nga awanan ti sello ti Dios, cadagiti mugmugingda.