Paltiing 8:2 - Ti Biblia (1973)

² Ket nakitac dagiti pito nga angel nga agtatacder iti sangoanan ti Dios; ket naited cadacuada dagiti pito a tangguyob.

Ti Baro a Naimbag a Damag Biblia

² Kalpasanna, nakitak a naikkan iti trumpeta ti tunggal maysa kadagiti pito nga angheles a nakatakder iti sangoanan ti Dios.

Paltiing 8:2 Iomraidhean Croise

Zacarias 4:10

Ta siasino ti nanglais iti aldaw dagiti babassit a banbanag? ta dagitoy pito agragsacdanto, ken makitadanto ti tinnag iti ima ni Zorobabel; dagitoy a pito isuda dagiti mata ni Jehova, nga agtaray nga agsursur iti nagtengngaan ti amin a daga.

San Mateo 18:10

Kitaenyo ta dicay umsien ti maysa cadagitoy babassit nga ubbing, ta cunac cadacayo a dagiti angelda sadi langit agnanayon a makitada ti langa ni Amac nga adda sadi langit.

San Mateo 24:31

Ket ibaonnanto dagiti angelna a buyugan ti napigsa nga uni ti trompeta, ket urnongendanto dagiti pinilina, cadagiti uppat nga angin, manipud iti maysa nga ungto ti langit agingga iti bangir.

San Lucas 1:19

Ket simmungbat di angel a kinunana kencuana: Siac ni Gabriel nga agserservi iti sangoanan ti Dios; ket nabaonac a makisao ken mangyeg kenca itoy naimbag a damag.

San Lucas 21:36

Agsalucagcayo ngarud ken agcarcararagcayo nga agnanayon, tapno macalisicayo cadagitoy amin a maaramid nga umayto, ken macapagtacdercayo iti sangoanan ti Anac ti tao.

1 Taga-Corinto 15:52

Iti maymaysa a canito, iti apagdaricmat, iti camaudianan a trompeta: ta aguninto ti trompeta, ket dagiti natay agungardanto a di agrupsa, ket mabaliwantayto.

1 Taga-Tesalonica 4:16

Ta ti Apo met laeng aggapunto sadi langit a buyugen ti ariwawa, ti timec ti arcangel ken ti trompeta ti Dios, ket dagiti natay ken Cristo bumangondanto nga umuna;

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 15:1

Ket nakitac ti sabali a pagilasinan sadi langit, dackel ken nacascasdaaw; dagiti pito nga angel nga addaan cadagiti pito a camaudianan a pannaplit; ta cadacuada manungpal ti pungtot ti Dios.

Paltiing 16:1

Ket nangngegco ti maysa a dackel a timec a naggapu iti templo a cuncunana cadagidi pito nga angel: Incayo ket ibuyatyo dagiti pito a malocong ti pungtot ti Dios iti rabaw ti daga.

Paltiing 8:13

Ket nakitac ken nangngegco ti maysa nga aguila nga agtaytayab iti nagtangatangan, a cuncunana iti dackel a timec: Ay, ay, ay pay dagiti agnaed iti rabaw ti daga, maipuon cadagiti sabali nga uni ti tangguyob dagiti tal-lo nga angel nga agtangguyobto pay.

Paltiing 8:6

Ket dagidi pito nga angel, a nagiggem cadagidi pito a tangguyob, nagsaganada nga agtangguyob.

Paltiing 9:1

Ket daydi maicalima nga angel nagtangguyob ket nakitac ti maysa a bituen a natnag ditoy daga, nanipud sadi langit ket naited kencuana ti tulbec ti abut a mangliwengliweng.