Paltiing 8:12 - Ti Biblia (1973)

¹² Ket daydi maicapat nga angel nagtangguyob: ket nadadael ti apagcatlo ti init, ken ti apagcatlo ti bulan, ken ti apagcatlo, dagiti bitbituen, tapno ti apagcatloda, mapasipnget coma ket ti aldaw saan coma nga aglawag ti apagcatlona, ken casta met, ti rabii.

Ti Baro a Naimbag a Damag Biblia

¹² Pinuyot ti maikapat nga anghel ti trumpetana. Nadadael ti apagkatlo a paset ti init, ti apagkatlo a paset ti bulan ken ti apagkatlo a bilang dagiti amin a bituen, isut' gapuna a napukaw ti apagkatlo a lawagda. Nagsipnget iti apagkatlo a paset ti aldaw ken iti apagkatlo a paset ti rabii.

Paltiing 8:12 Iomraidhean Croise

Isaias 13:10

Ta dagiti bitbitwen sadi langit ken dagiti purpuroc dagiti bitwenna didanto ipaay ti silengda; ti init agsipngetto iti iruruarna, ket ti bulan dinanto pagsilnagen ti lawagna.

Isaias 24:23

Isunton ti pannacariribuc ti bulan, ket ti init mabainanto; ta ni Jehova dagiti buybuyot agarinto idiay bantay Sion, ken sadi Jerusalem; ket iti sangoanan dagiti panglacayenna addanto dayag.

Jeremias 4:23

Kinitac ti daga, ket adtoy, isu langalang ken ongaong; ken dagiti langlangit, ket awan ti silaw cadacuada.

Joel 2:10

Agkintayeg ti daga iti sangoananda; dagiti langit agpigergerda; ti init ken ti bulan agridemda, ket dagiti bitbitwen ipaidamda ti silengda.

Joel 2:31

Ti init agbalinto a sipnget, ket ti bulan dara, no di pay dumteng ti dackel ken nacakigkigtot nga aldaw ni Jehova.

Joel 3:15

Ti init ken ti bulan agcudrepda, ket dagiti bitbitwen ipaidamda ti silengda.

Amos 8:9

Ket maaramidto iti dayta nga aldaw, cuna ni Apo Jehova, a palnekecto ti init iti tengnga ti aldaw, ket pagsipngetecto ti daga iti aldaw a nalawag.

San Mateo 24:29

Ket maigiddatonto iti calpasan ti rigat cadagita nga aldaw, a ti init agsipngetto, ket ti bulan dinto aglawag, ket dagiti bitbituen matnagdanto manipud langit, ket dagiti pannacabalin dagiti langlangit mapakintayegdanto:

San Mateo 27:45

Ket nanipud iti maicanem nga horas adda sipnget iti rabaw ti amin a daga, agingga iti horas a maicasiam.

San Marcos 13:24

Ngem cadagidiay nga aldaw, inton calpasan daydiay a rigat, ti init aglulemto ket ti bulan saannanto nga ited ti lawagna.

San Marcos 15:33

Ket idi horas a maicanemen, nagsipnget iti rabaw ti amin a daga, agingga iti horas a maicasiam.

San Lucas 21:25

Ket addanto dagiti pagilasinan iti init ken bulan ken cadagiti bitbituen; ket ditoy rabaw ti daga rigat dagiti nacion nga agdanag gapu ti daranudor ti baybay ken dagiti dalluyon;

Dagiti Aramid 2:20

Ti init agbalinto a sipnget, ket ti bulan agbalinto a dara, casangoanan ti yaay ti dackel ken naisingayan nga aldaw ti Apo.

2 Taga-Corinto 4:4

Cadacuada ti dios a nailubongan binulsecna dagiti isisip dagiti saan a mamati, tapno di agraniag cadacuada ti lawag ti evangelio ti dayag ni Cristo, isu a ladawan ti Dios.

Paltiing 12:4

Ket ti ipusna guyudenna ti apagcatlo dagiti bitbituen sadi langit ket imbacalna ida iti daga: ket daydi dragon adda iti sangoanan daydi babai a nganngani aganac, tapno alun-unenna daydi anacna inton maipasngay.

Paltiing 16:10

Ket daydi maicalima imbuyatna daydi malocongna idi trono daydi animal: ket daydi pagarianna nagsipnget; ket nagngaretngetanda dagidi dildilada gapu iti rigatda.

Paltiing 6:12

Ket nakitac idi linuctanna daydi maicanem a sello ket immay ti maysa a dackel a gingined, ket daydi init ngimmisit a cas la maysa a panes a booc; ket daydi bulan nagbalin amin a cas la dara;

Paltiing 9:15

Ket naluc-atan dagidi uppat nga angel, isuda a naisagana iti horas, ken aldaw, ken bulan, ken tawen tapno papatayenda ti apagcatlo dagiti tattao.

Paltiing 9:18

Gapu cadagitoy tal-lo a pannaplit napapatay ti apagcatlo dagidi tattao, babaen ti apuy ken azuc ken azufre a rimmuar cadagidi ngiwatda.