Paltiing 8:11 - Ti Biblia (1973)

¹¹ Ket daydi a bituen nagnaganenda ti Ajenco: ket ti apagcatlo dagiti dandanum nagbalin nga ajenco; ket adu cadagiti tattao natayda gapu cadagidi dandanum, ta nagbalinda a napait.

Ti Baro a Naimbag a Damag Biblia

¹¹ (“Napait”—daytoy ti nagan ti bituen.) Pimmait ti apagkatlo a paset dagiti danum, ket natay ti adu a tattao ta napait ti danum nga ininumda.

Paltiing 8:11 Iomraidhean Croise

Exodo 15:23

Ket idi macadanonda idiay Mara, dida nabalin ti imminum cadagiti dandanum ti Mara, ta napaitda: gapuna a ninagananda Mara.

Dagiti Proverbio 5:4

Ngem iti panungpalan napait a cas iti mula nga ajinco, natadem a cas campilan a dua ti tademna.

Jeremias 23:15

Gapuna castoy ti cuna ni Jehova dagiti buybuyot a maipapan cadagiti mammadto: Adtoy, pacanecto ida iti ajenjo, ket painumecto ida iti danum ti apro; ta nanipud cadagiti mammadto ti Jerusalem rimmuar ti saan a dinidios a mapan cadagiti amin a daga.

Jeremias 9:15

Gapuna castoy ti cuna ni Jehova dagiti buybuyot, ti Dios ti Israel, Adtoy, pacanecto ida, daytoy met laeng nga ili, iti ajenjo ken iccac ida iti danum nga apro nga inumen.

Dungdung-aw 3:19

Lagipem ti leddaangco ken ti panagsagabac, ti ajenjo ken ti apro.

Dungdung-aw 3:5

Imbangonna ti maibusor caniac, ket linacubnac iti kinapait ken panagpasical.

Amos 5:7

Dacayo a pagbalinenyo nga ajenjo ti kinajusticia, ken ibellengyo iti daga ti kinalinteg.

Amos 6:12

Agtarayto aya dagiti cabayo iti rabaw ti bato? pagaradodanto aya idiay dagiti vacvaca? agsipud ta dacayo pinagbalinyo nga apro ti kinajusticia, ken ti bunga ti kinalinteg nga ajenjo:

Zacarias 13:8

Ket maaramidto nga iti amin a daga, cuna ni Jehova, dagiti dua a capaset kencuana madadaeldanto ket matayda; ngem ti maicatlo matdanto kencuana.

Zacarias 13:9

Ket yegconto ti maicatlo a capaset iti apuy, ket guguracto ida a cas iti pirac a maguguran, ket guguracto ida a cas iti balitoc a maisudi. Isuda awagandanto ti naganco, ket ipangagconto ida: cunaecto, Isu ti ilic; ket isuda cunaendanto, Ni Jehova ti Diosco.

Deuteronomio 29:18

Di la ket ta addanto cadacayo lalaki wenno babai, wenno familia, wenno caputotan a sumiasi ti pusona ita nga aldaw ken Jehova a Diostayo a mapan agservi cadagiti didios dagidiay a nacion; di la ket ta adda cadacayo ti maysa a ramut a macasabidong ken ajenjo;

Hebreo 12:15

A kitaenyo a siaannad di la ket ta adda siasinoman a tao a mayadayu iti parabur ti Dios; di la ket ta ti aniaman a ramut ti pait tumubtubo ket pagsicorennacayo, ken gapu kencuana adu ti matulawan;

Paltiing 12:4

Ket ti ipusna guyudenna ti apagcatlo dagiti bitbituen sadi langit ket imbacalna ida iti daga: ket daydi dragon adda iti sangoanan daydi babai a nganngani aganac, tapno alun-unenna daydi anacna inton maipasngay.

Paltiing 8:7

Ket daydi immuna nagtangguyob; ket timmaud ti uraro ken apuy a nalaocan iti dara; ket naibellengda iti rabaw ti daga; ket daydi apagcatlo ti daga napuuran, ket daydi apagcatlo dagidi caycayo napuuran, ket amin dagiti nalangto a root napuuranda.

Paltiing 9:15

Ket naluc-atan dagidi uppat nga angel, isuda a naisagana iti horas, ken aldaw, ken bulan, ken tawen tapno papatayenda ti apagcatlo dagiti tattao.

Paltiing 9:18

Gapu cadagitoy tal-lo a pannaplit napapatay ti apagcatlo dagidi tattao, babaen ti apuy ken azuc ken azufre a rimmuar cadagidi ngiwatda.

Ruth 1:20

Ket isu kinunana cadacuada: Didac coma naganen iti Noemi, naganendac iti Mara; ta ti Mannacabalin-amin nagaramid a napait unay caniac.