Paltiing 7:9 - Ti Biblia (1973)

⁹ Calpasan dagitoy, kimmitaac, ket adtoy, ti umariwecwec, nga awan ti nacabalin a bumilang, a naggapuda cadagiti isu-amin a pagarian ken tribu ken il-ili ken pagsasao, nga agtatacderda iti sangoanan di trono ken iti sangoanan daydi Cordero, a nagcawesda cadagiti pagananay a puraw, ket adda palpalma cadagiti im-imada;

Ti Baro a Naimbag a Damag Biblia

⁹ Kalpasan daytoy, nakitak ti nakaad-adu a tattao—awan ti makabilang iti kaaduda. Naggapuda iti amin a puli, tribu, pagilian ken pagsasao. Nakatakderda iti sangoanan ti trono ken ti Kordero. Puraw ti kawesda ken nakaiggemda iti sanga ti palma.

Paltiing 7:9 Iomraidhean Croise

Genesis 13:16

Ket pagbalinecto ti putotmo cas iti tapuc ti daga; a no adda macabilang iti tapuc ti daga, casta met ti putotmo mabilangto.

Genesis 49:10

Dinto umadayo ti cetro ken Juda, Uray ti sarucod ti agturay di umadayo iti baet dagiti sacsacana, Agingga iti di umay ni Mamagcacappia; ket isu ti tulnoganto dagiti il-ili.

Dagiti Salmo 2:8

Agkiddawca caniac, ket siac itedconto kenca dagiti nasnacion a maipaay a tawidmo, ken dagiti caungtoan a paset ti daga a cucuam.

Dagiti Salmo 22:27

Amin dagiti pungpungto ti daga lumagip ken agpulangdanto ken Jehova; ket amin nga agcacabagian cadagiti nasnacion agdaydayawdanto iti saclangmo.

Dagiti Salmo 76:4

Nagloriaanca, ket natan-occa, uray pay cadagiti banbantay a pagtucmaan.

Dagiti Salmo 77:2

Idi aldaw ti panagdanagco binirocco ti Apo: ti imac naiyunnat a nagpatpatnag ket saan a limmucay; toy cararwac dina cayat ti maliwliwaan.

Dagiti Salmo 98:3

Linagipna ti kinamanagayat ken kinamatalecna iti balay ni Israel: amin dagiti pungto ti daga nakitada ti panangisalacan ti Diostayo.

Jeremias 16:19

O Jehova, a pigsac, ken pagsalingdac, ken camangco iti aldaw ti ladingit, dagiti nasnacion umaydanto kenca manipud cadagiti pungto ti daga, ket cunadanto, Dagidi ammami awan ti tinawidda no di ul-ulbod, kinaubbaw met laeng, ken cucua nga awan ti malac-am.

Jeremias 3:17

Iti dayta a pannawen managananto ti Jerusalem ti trono ni Jehova; ket amin dagiti nasnacion maurnongdanto kencuana iti nagan ni Jehova, iti Jerusalem: ket saandanto metten a magna iti mainugot ti kinabangad ti dakes a pusoda.

Ezekiel 47:5

Calpasanna nangrucod ti sangaribu; ket maysa a carayan a diac nabalin a linasat; ta dagiti dandanum dimmackelda, dandanum a langoyen, maysa a carayan a di mabalin a lasaten.

Daniel 4:1

Ni Nabucodonosor nga ari, iti amin nga il-ili, nasnacion, ken pagsasao, nga agnaed iti amin toy daga: Talna coma ti mapaadu cadacayo.

Daniel 6:25

Iti casta ni ari Dario nagsurat iti amin nga il-ili, nasnacion, ken pagsasao, nga agnaed iti amin a daga: Ti talna umad-adda la coma cadacayo.

Oseas 1:10

Nupay casta ti bilang dagiti annac ti Israel caslanto iti darat ti baybay, a di-mabalin a sucaten ken bilangen; ket maaramidto iti lugar a naisao cadacuada, Saancayo nga ilic, maibaganto cadacuada, Dacayo ti annac ti Dios a sibibiag.

Levitico 23:40

Ket iti umuna nga aldaw, mangalacayto iti maipaay cadagiti bagbagiyo iti bunga dagiti nasayaat a caycayo, sangsanga dagiti palmas, sangsanga dagiti caycayo a narucbos, ken runruno iti ayus; ket agragsaccayto iti sango ni Jehova a Diosyo bayat iti pito nga al-aldaw.

Zacarias 10:8

Sultipacto ida, ken urnongecto ida; ta siac sinubbotco ida; ket isuda umadudanto a cas la yaaduda idi.

Zacarias 2:11

Ket adu a nasnacion tumipondanto ken Jehova iti daydiay nga aldaw, ket isudanto ti ilic; ket agnaedacto iti nagtengngaam, ket sica mabigbigmonto a ni Jehova dagiti buybuyot imbaonnac kenca.

San Lucas 12:1

Ket idi nga naguurnong ti linacsa a tattao iti casta nga agdadarisonda, rinugianna a kinuna cadagidi adalanna, umuna: Agaluadcayo iti levadura dagiti Fariseo, ta isu ti panaginsisingpet.

San Lucas 21:36

Agsalucagcayo ngarud ken agcarcararagcayo nga agnanayon, tapno macalisicayo cadagitoy amin a maaramid nga umayto, ken macapagtacdercayo iti sangoanan ti Anac ti tao.

San Juan 12:13

Nangalada cadagiti bulbulong dagiti cayo a palma, ket rimmuarda a simmabet kencuana, ket inpucpuccawda ti: Hosana: Madaydayaw ti umay iti nagan ti Apo, ti Ari ti Israel.

Taga-Roma 11:25

Ta diac cayat a dicay maammoan, cacabsat, daytoy a palimed, tapno dicayo aginsisirib iti kinatangsit, a ti itatangken ti maysa a paset naaramid ken Israel agingga iti macastrec a naan-anay dagiti Gentiles;

Taga-Efeso 6:13

Gapuna, alaenyo ti amin a cabal a nadiosan, tapno mabalinyo ti sumarikedked inton dakes nga aldaw, ket inton naisaganayon amin, addacayo a sititibker.

Hebreo 11:12

Gapuna met a dagiti cas la bitbituen ti caaduda, ket saanda a mabilang a cas la cadagiti darat nga adda iti igid ti baybay, nagtaudda iti maysa, ket daytoy cas la natayen, gapu iti kinalacayna.

Hebreo 12:22

Ngem immasidegcayo iti bantay Sion, ken iti ili ti Dios a sibibiag, ti Jerusalem a nailangitan, ken cadagiti di mabilang a buybuyot dagiti angel.

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 22:3

Ket awanton ti lunod ket ti trono ti Dios ken ti Cordero addadanto kencuana, ket dagiti adipenna agservidanto kencuana;

Paltiing 3:18

Ibalacadco kenca a gumatangca caniac iti balitoc a napasudi iti apuy, tapno bumacnangca coma; ken dagiti pagananay a puraw, tapno agcawesca, ket saan a maiparang ti nacababain a kinalamolamom; ken ti agas ti mata, tapno sapsapoam dagiti matam tapno macakitaca.

Paltiing 4:4

Ket iti aglicmut di trono adda duapulo ket uppat a trono, ket dagiti trono agtutugaw dagiti duapulo ket uppat a lallacay a nagcawes cadagiti pagananay a puraw; ket cadagiti ol-oloda adda balbalangat a balitoc.

Paltiing 5:11

Ket kimmitaac, ket nangngegco ti timec dagiti adu nga angel iti aglicmut daydi trono ken dagiti parsua a sibibiag ken dagidi lallacay; ket ti bilangda idi linacsa a lacsa ken rinibo a ribo;

Paltiing 5:9

Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.

Paltiing 6:11

Ket naited iti tunggal maysa cadacuada ti maysa a pagananay a puraw; ket naibaga cadacuada nga aginanada pay iti bassit a pannawen agingga iti maturpos ti dalan dagiti caduada met nga adipen, ken dagiti cacabsatda, a mapapataydanto a cas met cadacuada idi.

Paltiing 7:8

Iti capututan ni Zabulon, sangapulo ket dua a ribo; iti capututan ni Jose, sangapulo ket dua a ribo; iti capututan ni Benjamin naselloan dagiti sangapulo ket dua a ribo.