Paltiing 7:4 - Ti Biblia (1973)

⁴ Ket nangngegco ti bilang dagidi namarcaan, sangagasut uppat a pulo ket uppat a ribo dagiti naselloan cadagiti isu-amin a capututan dagiti annac ti Israel:

Ti Baro a Naimbag a Damag Biblia

⁴ Ket naibaga kaniak a 144,000 ti bilang dagiti naikkan iti marka ti Dios kadagiti mugingda. Nagtaudda kadagiti sangapulo ket dua a tribu ti Israel:

Paltiing 7:4 Iomraidhean Croise

Genesis 15:5

Ket impanna iti ruar, ket kinunana, Kitaem ita ti langit, ket bilangem dagiti bitbitwen, no mabalinmo a bilangen: ket kinunana kencuana, Castanto dagiti putotmo.

Exodo 28:21

Ket dagiti batbato mayannurotdanto cadagiti nagnagan dagiti annac ni Israel, sangapulo ket dua, cas cadagiti nagnaganda maipada iti pannacakitikit ti maysa a pagtandaanan, tunggal maysa cas iti naganna, maipaaydanto cadagiti sangapulo ket dua a capuonan.

Ezekiel 47:13

Castoy ti cuna ni Apo Jehova: Daytoy isunto ti beddeng, a pangbingayanyo iti daga a tawid a cas mayannugot cadagiti sangapulo ket dua a caputotan ti Israel: ni Jose duanto dagiti bingayna.

Ezekiel 48:19

Ket dagidiay agtrabajo iti ili, cadagiti amin a caputotan ti Israel, daydiay talonendanto.

Ezekiel 48:31

Ket dagiti ruruangan ti ili mainaganandanto cas cadagiti nagnagan dagiti caputotan ti Israel, tallo a ruangan iti agpaamianan ti ruangan ti Ruben, maysa; ti ruangan ti Juda, maysa; ti ruangan ti Levi, maysa.

Zacarias 9:1

Ti awit a sao ni Jehova iti daga ni Hadrac, ket ti Damasco ti disso a paginanaannanto (ta ti mata ti lalaki ken dagiti amin a caputotan ti Israel agturong ken Jehova);

San Mateo 19:28

Ket ni Jesus kinunana cadacuada: Pudno cunac cadacayo, dacayo a simmurot caniac, intono baro a pannacaparsua, intono ti Anac ti tao agtugawto iti trono ti gloriana, agtugawcayto met cadagiti sangapulo ket dua a trono a mangocom cadagiti sangapulo ket dua a tribu ti Israel.

San Lucas 14:22

Ket kinuna di adipen: Apo, naaramid cas imbilinmo, ket adda pay laeng yan.

San Lucas 22:30

Tapno macapangan ken macainumcayo iti panganac iti pagariac; ket agtugawcayto cadagiti trono a mangocom cadagiti sangapulo ket dua a tribu ti Israel.

Dagiti Aramid 26:7

Daytoy a cari, ururayen a dumteng dagiti sangapulo ket dua a tribumi nga agserservida a sireregta iti Dios iti aldaw ken rabii. Ket maipapan itoy a pananginanama. O ari! idarumdac dagiti Judio.

Taga-Roma 9:27

Ket ni Isaias umawag a maipapan ken Israel: No ti bilang dagiti annac ni Israel casla coma cadagiti darat ti baybay, ti laeng matda isunto ti maisalacan:

Santiago 1:1

Ni Santiago, nga adipen ti Dios ken ni Apo Jesu-Cristo, cumablaaw cadagiti sangapulo ket dua a tribu a naiwarawara.

Paltiing 14:1

Ket kimmitaac, ket adtoy ti Cordero agtatacder iti rabaw ti bantay Sion, ket naicuyogda kencuana dagiti sangagasut uppat a pulo ket uppat a ribo, nga addaan iti naganna ken ti nagan ni Amana, a naisurat cadagiti mugmugingda.

Paltiing 14:3

Ket agcancantada ti cas la maysa a canta a baro iti sangoanan ti trono, ken iti sangoanan dagiti uppat a parsua a sibibiag ken dagiti lallacay; ket awan idi ti macabalin a mangadal idi a canta, no di laeng dagidi sangagasut uppat a pulo ket uppat a ribo, isuda a nasubbut itoy daga.

Paltiing 7:5

Iti capututan ni Juda naselloan dagiti sangapulo ket dua a ribo; iti capututan ni Ruben, sangapulo ket dua a ribo; iti capututan ni Gad, sangapulo ket dua a ribo;

Paltiing 9:16

Ket ti bilang dagiti buybuyot dagidi nagcabayo mamindua a sangalacsa a lacsa: nangngegco ti bilangda.