Paltiing 7:2 - Ti Biblia (1973)

² Ket nakitac ti sabali nga angel nga umuli manipud iti leleggacan ti init, nga adda kencuana ti sello ti Dios a sibibiag; ket pinuccawanna iti dackel a timec dagiti uppat nga angel a naiccan ti pannacabalin a mangranggas iti daga ken iti baybay.

Ti Baro a Naimbag a Damag Biblia

² Nakitak met ti sabali nga anghel nga agpangpangato iti deppaar ti daya nga iggemna ti timbre ti sibibiag a Dios. Pinukkawanna dagiti uppat nga angheles a nangtedan ti Dios iti pannakabalin a mangdadael iti daga ken iti baybay:

Paltiing 7:2 Iomraidhean Croise

2 Ar-ari 19:4

Nalabit a ni Jehova a Diosmo denggennanto amin dagiti sasao ni Rabsaces, isu a ti ari ti Asiria nga apona imbaonna a mangcarit iti Dios a sibibiag, ket tubngarennanto dagiti sasao a nangeg ni Jehova a Diosmo: gapuna nga ipangatom coma ti cararagmo a maipaay iti tidda a mabati.

Kanta ni Solomon 8:6

Isaadnac a cas maysa a tanda iti rabaw ta pusom, cas maysa a tanda iti rabaw ta tackiagmo: ta napigsa ni ayat a cas ken patay, ni imon naranggas a cas ken Tanem; dagiti beggangna isuda dagiti beggang ti apuy, maysa a pudno a gil-ayab ni Jehova.

Isaias 41:2

Asino ti namangon iti maysa nanipud iti daya, nga isu daydiay ayabanna iti kinalinteg iti sacaananna? isu iyawatna dagiti nasnacion iti sangoananna, ken isu daydiay aramidenna nga agturay cadagiti ar-ari; itedna ida iti campilanna a cas la tapoc, ken naitayab a punget iti ba-ina.

Ezekiel 9:4

Ket ni Jehova kinunana kencuana, Lumabasca iti tengnga ti ili, iti nagtengngaan ti Jerusalem, ket iccam ti tanda ti muging dagiti lallaki nga agsaibbec ken agsangit gapu cadagiti amin a kinarimon a maar-aramid iti nagtengngaanna.

Malakias 3:1

Adtoy, ibaonco ti babaonec, ket isu isaganananto ti dalan iti sangoc: ket ti Apo a birukenyo, umayto iti apagdaricmat iti templona; ket ti babaonen ti tulag, isu a calicagumanyo, adtoy, umay, cuna ni Jehova dagiti buybuyot.

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Mateo 16:16

Ket simmungbat ni Simon Pedro, ket kinunana: Sica ti Cristo, ti Anac ti Dios a sabibiag.

San Mateo 26:63

Ngem ni Jesus saan a naguni. Idin daydi cangatoan a padi kinunana kencuana: Isapatam, gapu iti Dios a sibibiag, nga ibagam cadacami, no sica ti Cristo nga Anac ti Dios.

San Juan 6:27

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

2 Taga-Corinto 1:22

Isu a nangted ti tanda cadacami ken cadagiti umuna a sagut ti Espiritu cadagiti puspusomi.

Taga-Efeso 1:13

Isu a dacayo met idinto a nangngeganyo ti sao ti pudno, ti evangelio ti pannacaisalacanyo; isu met idinto a namaticayo, namarcaancayo iti Espiritu Santo ti cari,

Taga-Efeso 4:30

Ket dicay pagleddaangen ti Espiritu Santo ti Dios, isu a pacamarcaanyo a naisagana iti aldaw ti pannacasubbot.

Deuteronomio 5:26

Ta asino ti adda iti isu-amin a lasag a nacangeg iti timec ti sibibiag a Dios a nagsao nanipud ti tengnga ti apuy cas cadacami, ket nagbiag,

1 Taga-Tesalonica 1:9

Ta isuda met laeng ibagada ti maipapan cadacami, no casano ti idadatengmi cadacayo, ken no casano ti panagsubliyo iti Dios manipud cadagiti didiosen, tapno agservicayo iti Dios a sibibiag ken pudno.

2 Timoteo 2:19

Nupay casta, ti cimiento ti Apo mataginayon a sititibker, nga adda kencuana daytoy a pagilasinan: Mailasin ti Apo dagiti tattao a cucuana, ket umadayuda coma iti kinadakes amin dagiti umawag iti nagan ti Apo.

Hebreo 12:22

Ngem immasidegcayo iti bantay Sion, ken iti ili ti Dios a sibibiag, ti Jerusalem a nailangitan, ken cadagiti di mabilang a buybuyot dagiti angel.

Paltiing 1:3

Nagasat ti bumasa ken dagiti agdengngeg cadagiti sasao ti padto, ket salimetmetanda dagiti banbanag a naisurat kencuana: ta ti pannawen asidegen.

Paltiing 10:1

Ket nacakitaac iti sabali nga angel a napigsa a bumabbaba manipud langit, a nabungon ti maysa nga ulep; ket adda idi ti bul-lalayaw iti rabaw ti olona; ket daydi rupana cas la iti init ket dagiti sacsacana cacas da la adigi nga apuy;

Paltiing 10:4

Ket idi a dagidi pito a gurrood nagunidan innac coma agsurat, ket nangngegco ti maysa a timec a naggapu sadi langit a nagcuna: Selloam dagiti banag a binalicas dagiti pito a gurrood, ket dica isurat ida.

Paltiing 16:12

Ket daydi maicanem imbuyatna daydi malocongna idi dackel a carayan nga Eufrates ket nagmaga daydi danumna, tapno maisagana coma ti dalan dagiti ar-ari nga aggapu iti leleggacan ti init.

Paltiing 5:2

Ket nacakitaac iti maysa nga angel a mannacabalin nga iyawawagna iti dackel a timec: Siasino ti maicari a mangbistrad iti pagbasaan, ken mangwarwar cadagiti sellona?

Paltiing 8:3

Ket sabali nga angel ti immay ket nagtacder iti sangoanan ti altar, a nagiggem iti maysa a paginciensoan a balitoc; ket naited kencuana ti adu nga incienso, tapno inayonna cadagiti carcararag dagiti isu-amin a sasanto, iti rabaw di altar a balitoc, nga adda idi iti sangoanan di trono.

Paltiing 9:14

A cuncunana idi maicanem nga angel a nagiggem iti tangguyob: Luc-atam dagiti uppat nga angel a sibabalud, iti asideg ti dackel a carayan nga Eufrates.

Paltiing 9:4

Ket naibaga cadacuada a dida coma ranggasan ti root ti daga wenno aniaman a nalangto ken uray ania a cayo, no di laeng dagidiay tattao nga awanan ti sello ti Dios, cadagiti mugmugingda.

1 Samuel 17:26

Ket ni David nagsao cadagiti lallaki a sitatacder iti sibayna, a kinunana, Ania ti maaramidto iti lalaki a mangpatay itoy a Filisteo, ket iccatenna ti pannacalais iti Israel? ta asino daytoy di nacugit a Filisteo, tapno caritenna coma dagiti buybuyot ti Dios a sibibiag?

1 Samuel 17:36

Ti adipenmo agpadpada a kinabilna ti leon ken oso: ket daytoy a di nacugit a Filisteo isunto ti cas maysa cadacuada, idinto a makitana a carcaritenna dagiti buybuyot ti Dios a sibibiag.