Paltiing 7:16 - Ti Biblia (1973)

¹⁶ Didanto agbisinen wenno mawawen; ket didanto met mainitanen wenno aniaman a pudot:

Ti Baro a Naimbag a Damag Biblia

¹⁶ Pulos a didanto agbisin wenno mawaw. Saandanton a mapudotan iti init wenno aniaman a makasinit

Paltiing 7:16 Iomraidhean Croise

Dagiti Salmo 121:5

Ni Jehova isu ti agaywan kenca: ni Jehova isu ti linongmo nga adda iti macanawanmo ita imam a canawan.

Dagiti Salmo 121:6

Ti init dinacanto danaren iti aldaw, uray ti bulan iti rabii.

Dagiti Salmo 143:6

Itay-ac dagiti daculapco kenca: toy cararwac mawaw kenca, a cas naticag a daga. (Selah)

Dagiti Salmo 42:2

Toy cararwac mawaw iti Dios, iti sibibiag a Dios: caano ti idadatengconto a dumatag iti saclang ti Dios?

Dagiti Salmo 63:1

O Dios, sica ti Diosco, sigaganetgetacto a mangbiroc kenca: toy cararwac mawaw kenca, ti lasagco segseggaannaca, iti naticag ken nautuyan a daga, nga awanan danum.

Kanta ni Solomon 1:6

Dicayo cumita caniac, agsipud ta cayumanggiac, agsipud ta ti init kinessetnac. Dagiti annac a lallaki ni inac nagpungtotda a maibusor caniac; insaaddac nga agaywan cadagiti uvasan; ngem ti bucodco a cauvasan diac inaywanan.

Isaias 25:4

Ta sica ti sarikedked ti napanglaw, maysa a sarikedked ti addaan pannacasapul iti pacarigatanna, maysa a pagcamangan iti bagio, maysa a paglinongan iti pudot, intono ti pagbanagan dagiti nacaalalinggec a tattao isu ti cas maysa a bagio a bumusor iti bacud.

Isaias 32:2

Ket isunto ti maysa a tao a cas maysa a paglemmengan no agangin, ken maysa a paglinongan no agbagio, cas ay-ayus dagiti danum iti disso a namaga, cas la linong ti maysa dackel a bato iti daga a napacsuyan.

Isaias 41:17

Dagiti napanglaw ken dagiti addaan pannacasapul sapulenda ti danum, ket awan a pulos, ket dagiti dilada agcapuy a gapu iti waw; siac, ni Jehova, sungbatacto ida, siac, a Dios ti Israel, diacto ida baybay-an.

Isaias 49:10

Saandanto a mabisinan ken mawaw; saanto met a cabilen ida ti pudot ken init: ta daydiay adda caasina cadacuada iturongna ida, iti met denna ti ubbog ti danum ti pangidalanannanto cadacuada.

Isaias 65:13

Gapuna a castoy ti cuna ni Apo Jehova, Adtoy, dagiti adipenco mangandanto, ngem dacayo mabisinancayto; adtoy, dagiti adipenco uminumdanto, ngem dacayo mawawancayto; adtoy, dagiti adipenco agrag-odanto, ngem dacayo mabainancayto;

Jonas 4:8

Ket naaramid, nga idi limgac ti init, insagana ti Dios ti angin a napudot a naggapu iti daya; ket ti init kinabilna iti olo ni Jonas, iti casta nagcapuy, ket indawdawatanna ti bagina met laeng a matay coma, ket kinunana, Nasaysayaat caniac ti ipapatay ngem ti panagbiag.

San Mateo 13:21

Ngem saan a nacaramut ket di agbayag: ket no umay ti rigat wenno ti pannacaidadanes gapu iti sao, dagus a maitibcol.

San Mateo 13:6

Ngem idi nacatangcayagen ti init, nalaylayda; ket nagangoda, ta awan ti ramutda.

San Mateo 5:6

Nagasat dagiti mabisin ken mawaw iti kinalinteg; ta mapnecdanto.

San Marcos 4:17

Ngem awan ti ramutda cadacuada, ket saanda nga agbayag: ket iti casta no adda rigat wenno pannacaidadanes gapu iti sao, dagus a maitibcolda.

San Marcos 4:6

Ngem idi limgac ti init nalaylay; ket agsipud ta awan ti ramutda, nagangoda.

San Lucas 1:53

Dagiti mabisbisinan pinennecna ida cadagiti naimbag a sagsagut, Ket dagiti nabacnang pinapanawna ida nga onga-ong;

San Lucas 6:21

Nagasatcayo a mabisbisinan ita ta mapneccayto. Nagasatcayo nga agsangsangit ita; ta agragragsaccayto.

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

Santiago 1:11

Ta lumgac ti init agraman angin a nabara ket magango ti root, ket agtinnag ti sabongna, ket ti napintas a buyana manasanas: casta met ti nabacnang makeltayto cadagiti isu-amin a turturongenna.

Paltiing 21:4

Ket punasennanto ti amin a lulua cadagiti matada; ket awanton ni patay; ket awanto met-ten ti sasaibbec, wenno sangsangit, wenno rigrigat; ta dagidi immuna a banbanag napalabasdan.