Paltiing 7:12 - Ti Biblia (1973)

¹² A cuncunada: Amen: Bendicion ken dayag, ken sirib, ken panagyaman, ken dayaw, ken bileg, ken pannacabalin, ti maadda coma iti Diostayo iti agnanayon: Amen.

Ti Baro a Naimbag a Damag Biblia

¹² Kinunada, “Amen! Dayaw, dayag, sirib, panagyaman, tan-ok, pannakabalin ken bileg ti maipaay iti Diostayo iti agnanayon nga awan inggana! Amen!”

Paltiing 7:12 Iomraidhean Croise

Nehemias 12:46

Ta cadagidi al-aldaw da David ken Asaf idi ugma adda idi maysa a pangolo dagiti cumacanta, ken dagiti cancanta a pagdayaw ken pagyaman iti Dios.

Nehemias 12:8

Maysa pay dagiti Levitas: da Jesua, Binui, Cadmiel, Serebias, Juda, ken Matanias, nga isu idi ti pangolo iti panagyaman, isu ken dagiti cacabsat.

Dagiti Salmo 100:4

Sumreccayo a siyayaman, cadagiti ruanganna ken cadagiti paraanganna agraman panangidaydayawyo; agyamancayo kencuana, ket benditoenyo ti naganna.

Dagiti Salmo 106:48

Bendito ni Jehova, a Dios ti Israel, manipud kinaagnanayon aginggana met laeng iti kinaagnanayon. Ket amin ti umili cunana coma, Amen. Idaydayawmo ni Jehova.

Dagiti Salmo 107:22

Ket idatonda coma kencuana dagiti sacrificio ti panagyaman, ket ipalawagda nga icancanta dagiti ar-aramidna.

Dagiti Salmo 116:17

Isagutconto kenca ti daton a pagyaman, ket umawagacto iti nagan ni Jehova.

Dagiti Salmo 147:7

Cantaanyo ni Jehova iti panagyaman; cantaanyo ti Diostayo cadagiti panangidaydayaw a maarpaan:

Dagiti Salmo 41:13

Bendito coma ni Jehova, a Dios ti Israel, manipud kinaagnanayon inggana iti kinaagnanayon. Sapay coma, ket sapay coma ta casta.

Dagiti Salmo 50:14

Isagutmo iti Dios ti daton ti panagyaman; ket bayadam dagiti incarim iti Cangatoan;

Dagiti Salmo 72:19

Ket bendito ti nadayag a naganna iti agnanayon; ket dagup ti daga mapno coma iti dayagna. Amen, ket amen.

Dagiti Salmo 89:52

Bendito coma ni Jehova nga agnanayon laeng. Amen, ket Amen.

Dagiti Salmo 95:2

Mapantayo a siiyaman iti saclangna; ipaayantayo iti narag-o a dir-i agraman salmos.

Isaias 51:3

Ta ni Jehova liniwliwana ti Sion, isu liniwliwana dagiti amin a dissona a nalangalang, ken inaramidna dagiti let-angna a cas la Eden, ken ti cadaratan a tay-acna a cas minuyongan ni Jehova; rag-o ken ragsac masaracanto idiay, panagyaman ken ti timec ti canta.

Jeremias 33:11

Ti timec ti rag-o ken ti timec ti ragsac, ti timec ti novio ken ti timec ti novia, ti timec dagiti agcuna, Agyamancayo ken Jehova dagiti buybuyot, ta ni Jehova naimbag, ti kinamanangngaasina agnanayon; castamet dagiti mangyeg cadagiti daton iti panagyaman idiay balay ni Jehova. Ta pagbaliwecto ti pannacacayaw ti daga ket agsubli a cas idi damo, cuna ni Jeho.

Jeremias 33:9

Ket agpaayto caniac, daytoy nga ili iti nagan ti rag-o, iti panagdayaw ken iti dayag, iti sangoanan dagiti amin a nasnacion ditoy daga a dumngegto cadagiti amin a naimbag nga aramidec, cadacuada, ket agbutengdanto ken agpigergerdanto cadagiti amin a naimbag ken dagiti amin a talna nga paaddaec kencuana.

Jonas 2:9

Ngem agidatonacto kenca a mapacuyogan iti timec ti panagyaman; tungpalecto ti incaric. Ti pacaisalacanan agtaud ken ni Jehova.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

Taga-Roma 11:36

Ta dagiti amin a banbanag agtaudda kencuana, gapu kencuana ken maipaayda kencuana. Madaydayaw coma iti agnanayon. Amen.

1 Taga-Corinto 14:16

Ta no saan, no mangbendicionca babaen ti espiritu ti saan a nasursuroan, casano ti panagcunananto ti Amen iti panungpalan ti panagyamanmo ta dina met maawatan ti sao-em?

2 Taga-Corinto 4:15

Ta isu-amin maigapu cadacayo; tapno idinto nga immadu ti parabur gapu cadagiti adu, ti panagiaman umadu met a pacaidayawan ti Dios.

Taga-Colosas 2:7

A maparamutcayo, ken mapadackelcayo kencuana, ket mapalagdacayo iti pammati, a cas met iti pannacaisuroyo ket mapnocayo iti panagyaman.

Taga-Colosas 3:17

Ket dagup ti isu-amin nga aramidenyo, iti sao wenno iti aramid, aramidenyo babaen iti nagan ni Apo Jesus, nga agyamancayo iti Dios Ama gapu kencuana.

San Judas 1:25

Iti maymaysa a Dios, a Manangisalacan cadatayo gapu ken Jesu-Cristo nga Apotayo, adda coma ti kinadayaw, kinadayag, ken kinaturay ken ti pannacabalin idi punganay, ita ken iti agnanayon nga awan inggana; Amen.

Paltiing 1:18

Ken ti Sibibiag; ket natayac idi, ket adtoy, sibibiagac iti agnanayon nga awan inggana; ket adda caniac dagiti tultulbec ni patay ken ti Hades.

Paltiing 19:4

Ket dagiti duapulo ket uppat a lallacay ken dagiti uppat a parsua a sibibiag, nagrucbabda ket nagdaydayawda iti Dios, nga adda a nagtugaw iti trono, a cuncunada: Amen; Aleluya.