Paltiing 7:1 - Ti Biblia (1973)

¹ Ket calpasan daytoy, nacakitaac cadagiti uppat nga angel nga agtatacder cadagiti uppat a suli ti daga, a laplappedanda dagiti uppat nga angin ditoy daga, tapno awan ti angin nga agpuyupoy iti rabaw ti daga, wenno iti rabaw ti baybay wenno iti aniaman a cayo.

Ti Baro a Naimbag a Damag Biblia

¹ Kalpasanna, nakitak ti uppat nga angheles nga agtaktakder iti uppat a suli ti daga. Tengtenglenda dagiti uppat nga angin tapno saan nga agpuyupoy iti rabaw ti daga, iti taaw wenno iti aniaman a puon ti kayo.

Paltiing 7:1 Iomraidhean Croise

Isaias 11:12

Ket isu mangitayagto ti maysa a wagayway a maipaay cadagiti nasnacion, ken urnungennanto dagiti naiwarwara nga Israel, ken tiponenna nga agcaycaysa dagiti nasinasina ti Juda manipud cadagiti uppat a suli ti daga.

Isaias 27:3

Siac ni Jehova nga agaywan kencuana, isu sibugacto iti tungal canito: di la ket ta adda mangranggas kencuana, isu aywanacto iti rabii ken aldaw.

Isaias 27:8

Iti maitutop, intono pagtalawem ida, makisusicca cadacuada; isu iniccatna ida babaen ti napigsa a daranudor iti aldaw ti casaor.

Jeremias 49:36

Ket iti Elam iyegconto dagiti uppat nga angin nga aggapu cadagiti uppat a paset ti langit, ket warawaraecto ida a maiturong cadagitoy amin nga angin; ket awanto ti nacion a saanto a pacadanonan dagiti maibelleng iti Elam.

Ezekiel 37:9

Idin kinunana caniac, Agipadtoca iti angin, agipadtoca, anac ti tao, ket cunam iti angin, Castoy ti cuna ni Apo Jehova: Umayca manipud cadagiti uppat nga angin, O anges, ket angesam dagitoy napapatay, tapno agbiagda coma.

Ezekiel 7:2

Ket sica, anac ti tao, castoy ti cuna ni Apo Jehova iti daga ti Israel, Paggibusanen! ti panungpalna dumtengen cadagiti uppat a suli ti daga.

Daniel 11:4

Ket intono nabangonen, ti pagarianna maburacto ken mabingbingayto a maiwaras cadagiti uppat nga angin ti langit, ngem saan nga iti putotna, ken saan met a mayannurot iti panagturayna idi, ta ti pagarianna magabutto a maipaay cadagiti sabsabali malacsid pay dagitoy.

Daniel 7:2

Ni Daniel nagsao ket kinunana, Nakitac iti parparmatac iti rabii, ket adtoy, dagiti uppat nga angin ti langit dimteng a kellaat iti dackel a taaw.

Daniel 8:8

Ket daydi calding a lalaki intan-ocna ti bagina met laeng iti napalalo; ket idin nga isu napigsa, daydi, dackel a sarana nabungtol; ket iti saadna immay dagiti uppat a nacadildillaw a sara nga agturong cadagiti uppat nga angin ti langit.

Jonas 1:4

Ngem ni Jehova pinaganginna iti napigsa iti rabaw ti taaw, ket adda idi napigsa unay a bagio idiay taaw, iti casta ti sasacayan cas la marba.

Zacarias 6:1

Ket intangadco manen dagiti matac, ket nakitac, ket, adtoy, rimmuar dagiti uppat a lugan a naggapuda iti baet dagiti dua a bantay; ket daydiay a bantay gambangda.

Zacarias 6:5

Ket ti angel simmungbat ket kinunana caniac, Dagitoy isuda dagiti uppat nga angin ti langit, a mapanda iti amin a daga manipud iti panagtacderda iti saclang ti Apo.

San Mateo 24:31

Ket ibaonnanto dagiti angelna a buyugan ti napigsa nga uni ti trompeta, ket urnongendanto dagiti pinilina, cadagiti uppat nga angin, manipud iti maysa nga ungto ti langit agingga iti bangir.

San Marcos 13:27

Ket iti casta ibaonnanto dagiti angel, ket urnongennanto dagiti pinilina manipud cadagiti uppat a turong manipud iti ungto ti daga agingga iti ungto ti langit.

Paltiing 20:8

Ket rummuarto tapno allilawenna dagiti pagpagarian nga adda cadagiti uppat a suli ti daga, da Gog ken Magog, tapno urnongenna ida a maipaay iti gubat: ti bilangda cas cadagiti darat ti baybay.

Paltiing 6:6

Ket nangngegco ti casla maysa a timec iti tengnga dagidi uppat a parsua a sibibiag, a nagcuna: Maysa a casucat ti trigo mapatgan iti maysa a denario ket tal-lo a casucat ti cebada mapatgan iti maysa a denario; ken: Saanmo a dadaelen ti lana ken ti arac.

Paltiing 7:3

A cunana: Dicay ranggasan ti daga ken castamet ti baybay wenno dagiti caycayo, agingga iti dicam maselloan dagiti adipen ti Diostayo cadagiti mugmuginda.

Paltiing 8:7

Ket daydi immuna nagtangguyob; ket timmaud ti uraro ken apuy a nalaocan iti dara; ket naibellengda iti rabaw ti daga; ket daydi apagcatlo ti daga napuuran, ket daydi apagcatlo dagidi caycayo napuuran, ket amin dagiti nalangto a root napuuranda.

Paltiing 9:14

A cuncunana idi maicanem nga angel a nagiggem iti tangguyob: Luc-atam dagiti uppat nga angel a sibabalud, iti asideg ti dackel a carayan nga Eufrates.

Paltiing 9:4

Ket naibaga cadacuada a dida coma ranggasan ti root ti daga wenno aniaman a nalangto ken uray ania a cayo, no di laeng dagidiay tattao nga awanan ti sello ti Dios, cadagiti mugmugingda.