Paltiing 6:4 - Ti Biblia (1973)

⁴ Ket rimmuar ti sabali a cabayo, a nalabaga: ket iti daydi nagsacay itoy, naited kencuana ti panangiccat ditoy daga ti talna, ken tapno agpipinnatayda ket naited kencuana ti maysa a dackel a campilan.

Ti Baro a Naimbag a Damag Biblia

⁴ Rimmuar ti sabali a kabalio a nalabaga ti kolorna. Naikkan ti nakasakay iti pannakabalin a mangyeg iti gubat ditoy daga tapno agpipinnatay dagiti tattao. Adda dakkel a kampilan ti naited kenkuana.

Paltiing 6:4 Iomraidhean Croise

Dagiti Salmo 17:13

Tumacderca coma, O Jehova, pagparangem coma, rebbaem: isalacanmo toy cararwac cadagiti nadangkes gapu ita campilanmo;

Daniel 5:19

Ket gapu iti kinatan-oc nga intedna kencuana, amin dagiti il-ili, nasnacion, ken pagsasao nagpigerger ken nagbutengda iti saclangna: dagiti kinayatna pinatayna, ket dagiti kinayatna binayanna nga agbiag; dagiti kinayatna intan-ocna, ket dagiti kinayatna impababana.

Zacarias 1:8

Siac kimmitaac iti rabii, ket, adtoy, ti maysa a lalaki a nagsacay iti nalabaga a cabayo, ket nagintec iti tengnga dagiti caycayo nga arrayan nga addada idi iti lasong; ket iti malicudanna addada idi dagiti cacabayo, a nalabaga, alazan a natangken, ken puraw.

Zacarias 6:2

Iti daydi umuna a lugan addada idi dagiti nalabaga a cabayo; ket iti maicadua a lugan dagiti nangisit a cabayo;

San Mateo 10:34

Dicayo pagarupen nga immayac a mangiwara ti talma iti rabaw ti daga: saanac nga immay mangiwara ti talna, no di ket campilan.

San Mateo 24:6

Ket macangngegcayto cadagiti gubgubat, ken damdamag ti gubgubat; kitaenyo ta dicay aglagaw; ta masapul a maaramid dagitoy; ngem saan pay nga isu ti panungpalan.

San Juan 19:11

Simmungbat kencuana ni Jesus: Awan coma ti aniaman a pannacabalinmo caniac, no di coma naited kenca nanipud ngato: gapuna ti nangyawat caniac kenca dacdackel ti basolna.

Paltiing 12:3

Ket nakita ti sabali a nacascasdaaw sadi langit; ket adtoy ti maysa a dackel a dragon a nalabaga, nga adda pito nga olona ken sangapulo a sarana, ket iti rabaw dagiti ol-olona, pito a corona.

Paltiing 13:10

No ti siasinoman a tao mangipaay iti pannacacayaw; mapan iti pannacacayaw; no ti siasinoman a tao macapapatayto iti campilan, masapul nga isu mapapatay iti campilan. Adtoy, ti kinaanus ken ti pammati dagiti sasanto.

Paltiing 17:3

Ket impannac babaen iti Espiritu iti maysa a let-ang; ket nakitac idiay ti maysa a babai a nagsacay iti maysa nga animal a nalabaga, a napno cadagiti nagnagan a tabbaaw, nga addaan pito nga olo ken sangapulo a sara.

Paltiing 17:6

Ket nakitac daydi babai a nabartec iti dara dagiti sasanto ken iti dara dagiti sacsi ni Jesus. Ket idi a nakitac, nagsiddaawac iti dackel a pannacasdaaw.