Paltiing 6:2 - Ti Biblia (1973)

² Ket kimmitaac, ket adtoy, ti maysa a cabayo a puraw; ket daydi adda a sisasacay kencuana, adda idi maysa a bai ti panana, ket naited kencuana ti maysa a balangat; ket rimmuar a sibabal-ligi, ken tapno agbal-ligi.

Ti Baro a Naimbag a Damag Biblia

² Kimmitaak, ket adda nagparang a puraw a kabalio. Adda bai ti pana ti nakasakay. Naikkan iti korona ket rimmuar tapno ituloyna ti panagballigina.

Paltiing 6:2 Iomraidhean Croise

Dagiti Salmo 110:2

Ni Jehova ibaonnanto ti sarucod ti bilegmo manipud Sion: agturayca iti tengnga dagiti cabcabusormo.

Dagiti Salmo 76:7

Sica, pudno a sica, pagbutbutngandaca; ket siasino ti macapagtacder iti sangoanam no agpungtotcan?

Dagiti Salmo 98:1

O cantaanyo ni Jehova iti baro a canta; ta nagaramid cadagiti nacascasdaaw a banbanag: ti canawan nga imana, ken ti nasantoan a tackiagna, nagun-odnan ti balligi a maipaay kencuana.

Isaias 25:8

Isu inalimonna nga agnanayon ni patay; ket ni Jehova nga Apo punasennanto dagiti lulua cadagiti isu-amin a ruprupa; ket ti pacaumsian ti ilina iwacsinanto manipud iti amin a daga; ta sinao ni Jehova.

Zacarias 1:8

Siac kimmitaac iti rabii, ket, adtoy, ti maysa a lalaki a nagsacay iti nalabaga a cabayo, ket nagintec iti tengnga dagiti caycayo nga arrayan nga addada idi iti lasong; ket iti malicudanna addada idi dagiti cacabayo, a nalabaga, alazan a natangken, ken puraw.

San Mateo 28:18

Ket immasideg ni Jesus cadacuada, ket kinasaona ida, a cuncunana: Isu-amin a pannacabalin naited caniac idiay langit ken iti rabaw ti daga.

1 Taga-Corinto 15:25

Ta isu masapul nga agari agingga iti panangicabilna cadagiti cabusorna iti babaen dagiti sacsacana.

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 11:18

Ket nacapungtot dagiti pagpagarian, ket dimtengen ti pungtotmo, ken ti aldaw dagiti natay a maipaay iti pannacaocom, ken ti pannacaited ti gonggona cadagiti adipenmo a mammadto ken cadagiti sasanto, ken cadagiti agbuteng iti naganmo, babassit ken dadackel, ken ti panangdadael dagiti mangrebbec iti daga.

Paltiing 14:14

Ket kimmitaac ket adtoy ti maysa nga ulep a napudaw, ket iti ulep adda a nagtugaw ti maysa nga umas-asping iti anac ti tao, nga adda iti olona ti maysa a balangat a balitoc, ket iti imana maysa a cumpay, a natadem.

Paltiing 15:2

Ket nacakitaac iti maysa a cas la baybay a sarming a nalaocan ti apuy; ket dagidiay nagbal-ligi iti daydi animal ken ti ladawanna, ken ti bilang ti naganna, agtatacderda iti igid daydi baybay a sarming nga addaanda cadagiti arpa ti Dios.

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 19:14

Ket dagiti buybuyot sadi langit sumursurotda kencuana, a nagsacayda cadagiti cacabayo a puraw, nagcawesda ti lupot a nalapat, puraw ken natarnaw.

Paltiing 3:21

Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.

Paltiing 9:7

Ket ti langa dagiti dudon umas-aspingda cadagiti cabayo a maisagana iti gubat; ket iti rabaw dagidi ol-oloda adda sinan balangat a cas la balitoc; ket dagidi ruprupada cas la ruprupa dagiti tattao.