Paltiing 6:16 - Ti Biblia (1973)

¹⁶ Ket kinunada cadagiti banbantay ken cadagiti batbato: Agtinnagcayo cadacami, ket ilemmengdacami iti imatang daydiay agtutugaw iti trono, ken iti pungtot daydiay Cordero.

Ti Baro a Naimbag a Damag Biblia

¹⁶ Kinunada kadagiti bato ken kadagiti bambantay: “Gaburandakami tapno saanmi a makita ti rupa ti nakatugaw iti trono ken marikna ti pungtot ti Kordero.

Paltiing 6:16 Iomraidhean Croise

Dagiti Salmo 14:5

Idiay addaandan iti dackel a buteng; ta ti Dios adda iti caputotan dagiti nalinteg.

Isaias 2:10

Sumrecca iti bato, aglemmengca iti tapoc, manipud iti sangoanan ti pangkigtot ni Jehova, ken iti dayag ti kinatan-ocna.

Jeremias 8:3

Ket ti patay mapilinto a nangnangrona ngem ti biag cadagiti amin a tidda a mabati iti daytoy dakes a capuonan, a mabati cadagiti amin a disso a namagtalawac cadacuada, cuna ni Jehova dagiti buybuyot.

Oseas 10:8

Dagiti met nangato a disso ti Aven, ti basol ti Israel, madadaeldanto; ti siit ken casumba tumubodanto iti rabaw dagiti altarda; ket cunadanto cadagiti banbantay, gaburandacami; ket cadagiti turturod, Agtinnagcayo cadacami.

San Mateo 26:64

Ni Jesus cunana kencuana: Sinaomon: Ket cunac pay cadacayo nga iti masangoanan makitayonto toy Anac ti tao nga agtugaw iti macanawan ti Pannacabalin nga umay iti rabaw dagiti ulep ti langit.

San Marcos 3:5

Ket idi a minatmatanna ida a sirururod iti licmutna, ken napaladingit iti kinatangken dagiti puspusoda, cunana idi tao: Unnatem ta imam. Ket isu inunnatna; ket daydi ima naipulang a naananay.

San Lucas 23:30

Iti dayta rugiandanto ti agsao cadagiti banbantay: Agtinnagcayo cadacami: ket cadagiti turod: Gaburandacami.

Paltiing 10:6

Ket nagsapata gapu iti daydiay agbiag nga awan inggana, isu a namarsua iti langit ken dagup ti adda kencuana, ken iti daga ken dagup ti adda kencuana, ken iti baybay ken dagup ti adda kencuana, tapno awanton ti pacatactacan:

Paltiing 19:15

Ket iti ngiwatna rummuar ti maysa a campilan a natadem, tapno pangdunorna cadagiti pagpagarian, ket iturayanna ida babaen ti maysa a sarucod a landoc; ket isu payatenna ti pagpespesan ti kinaunget ti pungtot ti Dios a Mannacabalin-amin.

Paltiing 20:11

Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.

Paltiing 4:2

Naigiddato nga naaddaac iti Espiritu: ket adtoy ti maysa a trono a naisaad sadi langit, ket idi trono adda maysa a situtugaw;

Paltiing 4:5

Ket iti trono rumrummuar idi dagiti kimkimat, ken timtimec ken gurgurruod; ket adda idi pito a pagsilawan nga apuy a sumsumged iti sangoanan ti trono, nga isuda dagiti pito nga Espiritu ti Dios;

Paltiing 4:9

Ket intono dagiti parsua a sibibiag mangtedda iti dayag ken dayaw ken panagyaman iti daydi adda a situtugaw iti trono, isu nga agbiag iti awan inggana.

Paltiing 5:1

Ket nakitac iti macanawan daydi agtutugaw iti trono, ti maysa a pagbasaan a nasuratan iti uneg ken iti ruar, ket naselloan cadagiti pito a sello.

Paltiing 6:10

Ket agasasugda iti dackel a timec; Casano ti cabayagna, O Apo a santo ken napudno, a dica ocomen ken ibales ti darami cadagiti agnaed iti rabaw ti daga?

Paltiing 9:6

Ket cadagidiay nga al-aldaw dagiti tattao birukendanto ni patay, ket isu didanto masaracan; ket tarigagayandanto ti natay, ket ni patay itarayannanto ida.